بلوچستان حکومت صنعتکار تپہ نا جوانی کن گام گیج کننگ اٹی ءِ‘ سردار کھیتران

کوئٹہ : صوبائی وزیر مواصلات سردار عبدالرحمن کھیتران صنعتی شعبہ نا شونداری و جوانی ءِ زرگزران نا استحکام کن خراب گوندسا پارینے کہ ساڑی صوبائی حکومت روزگار نا وارخواہی ودی کننگ کن صنعتی بشخ آ خاص سجفنگے۔ ہرانا مسخت صوبہ غان بیروزگاری نا ایسری ءِ کننگ ءِ۔ او پارینے کہ بلوچستان حکومت صنعتکار و سرمایہ کار آتے سازگار ءُُ چاگڑد اس فراوان کننگ کن جوان گام گیج کننگ اٹی ءِ۔ تانکہ صوبہ نا صنعتی و کاروباری کاریم تا ہند اس جوڑ کننگے۔ تدوک آ دے وزیر مواصلات سیکرٹریٹ آن جاری تینا اسہ بیان اسے ٹی سردار کھیتران پارینے کہ ساڑی حکومت صنعتی بشخ اکن اسہ گچین ءُُ پالیسی اس جوڑ کرینے۔ ہراٹی مرغن، وسط المدتی و قلیل المدتی گام گیج آک اوار مریرہ۔ صنعتی بشخ ءِ جہانی آب انا رداٹ جوڑ کننگ و صنعتکار آتے صوبہ نا کنڈآ اتنگ کن پین گام گیج کننگک۔ او پارینے ہراٹی مرغن، وسط المدتی و قلیل المدتی گام گیج آک اوار مریرہ۔ صنعتی بشخ ءِ جہانی آب انا رداٹ جوڑ کننگ و صنعتکار آتے صوبہ نا کنڈآ اتنگ کن پین گام گیج کننگک۔

(خ ن)