وزیراعلیٰ بلوچستان اُلسی ویل آتا ایسری کن دے و نن کوشست کننگ اٹی ءِ‘ بابر یوسفزئی

کوئٹہ : وزیراعلیٰ بلوچستان نا کواڈینیٹر بابر یوسفزئی پارینے کہ وزیراعلی عبدالقدوس بزنجو شکایت سیل نا بنا ءِ کرسا بلوچستان نا اُلس نا حقیقی ترجمانی نا حق ءِ ادا کرینے۔ شکایات سیل صوبہ نا اُلس نا ویل آتا ایسر کننگ اٹ کمک گار مریک۔ وزیراعلیٰ بلوچستان اُلسی مفاد و صوبہ نا جوانی کن دے و نن کوشست کننگ اٹی ءِ۔ شکایت سیل اٹ اُلس سرکای محکمہ غاتا بابت تینا غاو تے درج کرفنگ کیرہ۔ دا خیال آتا درشای ءِ او ورنا تا ڈل اسے تون ہیت وگپ کرسا کرے۔ بابر یوسفزئی پارینے کہ وزیراعلی بلوچستان نا کماشی ٹی جوڑ انگا صوبائی حکومت نا مسخت صوبہ نا شونداری و شونہالی ءِ۔ اولیکو وار پاکستان سپرلیگ نا میچ کوئٹہ ٹی کرفنگ ہم ہندا مسخت ئس کہ مچ آ دنیا ءِ پان کہ بلوچستان نا اُلس بیرہ شونداری و شونہالی خواہک۔ وخت اس کہ پرامن مننگ تون اوار اوار ایلمی ءِ ہم مونی دننگ خوارہ۔ وزیراعلی بلوچستان عبدالقدوس بزنجو نا ای شکایات سیل نا بنا دا ہیت انا شاہدی اسے کہ اُلس ءِ دوئی آ ویل آتے اوفتا پاننگ آ ایسر کننگے۔ ہندا سوب آن شکایت سیل نا کمک اٹ بلوچستان نا اُلس کل سرکاری محکمہ غاتا بابت تینا غاو تے آن لائن سسٹم تون ایلو وڑ تتون جمع کننگ کینہ۔

(خ ن)