جانجوڑی آسراتی تے پک کننگے، ایڈیشنل ڈپٹی کمشنر مستونگ

مستونگ : ڈپٹی کمشنر مستونگ یاسر اقبال دشتی صاحب نا خاص ءُ پارت آ ایڈیشنل ڈپٹی کمشنر مستونگ محمد ندیم شاہ بخاری شہید نواب غوث بخش رئیسانی میموریل ہسپتال مستونگ نا ناگمان دورہ ءِ کرے۔ شہید نواب غوث بخش رئیسانی میموریل ہسپتال مستونگ نا ترجمان اٹ بیان جاری کرسا پارینے کہ ایڈیشنل ڈپٹی کمشنر مستونگ محمد ندیم شاہ بخاری ہسپتال نا جتا جتا بشخ آتا دورہ ءِ کرے۔ او وخت آ ہسپتال نا چیف ایگزیکٹو آفیسر ڈاکٹر سعید احمد میروانی اے ڈی سی مستونگ ءِ ہسپتال نا جتا جتا بشخ آتا دورہ ءِ کرے۔ ایڈیشنل ڈپٹی کمشنر ہسپتال نا جتا جتا بشخ آتا او پی ڈی تا دورہ ءِ کرے ہراڑے کل ڈاکٹر آک تینا او پی ڈی تیٹی ساڑی ئسر۔ و ناجوڑ آتا جاچ و درمان جوان وڑاٹ برجا ئس۔ او پی ڈیز نا دورہ غان پد جتا جتا بشخ آتا وارڈ و ایمرجنسی بشخ انادورہ ءِ کرے۔ دورہ نا وخت آ او ہسپتال اٹ درمان مروک آ ناجوڑ آتا جانپڑسی ءِ کرے۔ و ہسپتال نا انتظامیہ و ڈاکٹر نا کنڈآن تروک آ درمان نا آسراتی تا بارواٹ ناجوڑ آتیان معلومداری کرے۔ ہراڑا ناجوڑ آک اُست خواہی نا درشانی ءِ کریر۔

(پ ر)