جیل آتیٹی بندی تا آسراتی کن گام گیج کننگ انگ ءِ‘ میر ضیاء لانگو

حب : صوبائی وزیر داخلہ بلوچستان میر ضیاء اللہ لانگو سنٹرل جیل گڈانی نا دورہ ءِ کرے۔ وزیر داخلہ نا حب ءِ سر مننگ آ جوان بخیر کریر و اودے گارڈ آف آنر پیش کریر۔ او وخت آ اے ایس پی مراد خان و اسٹنٹ کمشنر حب سید سیمع اللہ و ایلو کمامدار آک ہم ساڑی ئسر۔ دورہ نا وخت آ وزیر داخلہ سنٹرل جیل گڈانی نا جتا جتا بشخ آتا دورہ ءِ کرے۔ وخت اس کہ کمامدار آتا کنڈآن وزیر داخلہ ءِ بریفنگ تس۔ او وخت آ وزیر داخلہ میر ضیاء اللہ جیل اٹ بندی تیکن بسوک آ ارغ آتا جاچ ءِ ہلک۔ و سنٹرل جیل اٹ ہسپتال اٹ جانجوڑی نا آسراتی تا ہم جاچ ءِ ہلک۔ او بندی تا ویل آتے بنسا وخت آ ایسر کننگ نا پارت ہم جاری کرے۔ میر ضیاء اللہ نا مستی پاننگ ئس کہ بندی تیکن جوانی نا گام گیج ءِ اولیت ایتنہ۔ وخت اس کہ دا بابت اٹ افسر بندی و جیل ملازم آتا ویلفیئر و ویل آتا ایسری کن اُست خواہی کرے۔

(خ ن)