ریلوائی ءِ ہم گوادر اٹی سسٹم جوڑ کننگ نا پارینن، ڈپٹی کمشنر

گوادر : ڈپٹی کمشنر گوادر عزت نزیر بلوچ پارینے کہ چینی کمپنی تا بھلو کچ اسے ٹی سرمایہ کاری و ایلو ملک آتا اُست خواہی نا بابت گوادر اٹ جوانی زرگزرانی کاریمک پاکستان ریلویز ءِ ہم گوادر اٹ تینا سوگو ءُ سسٹم اس جوڑ کننگ نا کنڈآ اتنگ ءِ۔ دا خیال آتا درشانی ءِ او گوادر اٹ جاری میگا پروجیکٹس آتا بابت ہیت وگپ کرسا کرینے۔ او پارینے کہ پاکستان ریلویز گوادر اٹ دفتر جوڑ کرسا افسر و ایلو عملہ تعینات کرسا اودے گوادر پورٹ اتھارٹی، گوادر ڈویلپمنٹ اتھارٹی، گوادر پورٹ و فری زونز اٹ کاریم کروک آ چینی کمپنیک رابطہ ودفنگ نا ٹاسک تسنے۔ او پارینے کہ پاکستان ریلویز گوادر اٹ تینا سوگو ءُ سسٹم اس جوڑ کریک و آخبت اٹ داڑے مروک آ زرگزرانی کاریم تیان بھلو کچ اسے ٹی فائدہ ہرفک۔ داڑان بیدس ڈپٹی کمشنر گوادر عزت نزیر بلوچ تینا اسہ پین بریفنگ اسے ٹی پارینے کہ یکم مارچ آن گوادر ءِ 100 میگاواٹ ودوک ءُ بجلی اس ایران آن رسینگک۔ انشاء اللہ گوادر ءِ 24/7 بجلی نا فراوانی مریک۔ داڑان گوادر اٹ صنعت، سیاحت و رئیل اسٹیٹ نا کاروبار ءِ جوانی رسینگک۔

(خ ن)