فہد ہسپتال دالبندین اٹ اسٹاف نا کمتی ءِ پورو کننگک، کمشنر رخشان

0

Get real time updates directly on you device, subscribe now.

دالبندین : کمشنر رخشان ڈویڑن طارق الرحمٰن بلوچ پرنس فہد بن سلطان سول ہسپتال دالبندین نا دورہ ءِ کرے۔ او وخت آ ڈپٹی کمشنر چاغی حسین جان بلوچ، اسسٹنٹ کمشنر دالبندین عبدالباسط بزدار ہم اوڑتون اوار ئس۔ کمشنر رخشان ہسپتال نا او پی ڈی، لیبارٹری، میڈسن اسٹور، ایکسرے مشین، ڈائیلسز وارڈ جنرل وارڈ و جتا جتا بشخ آتا جاچ ءِ ہلک۔ ہسپتال اٹ ناجوڑ آتا درمان ءِ کرے و اوفتتون ہسپتال اٹ درمان نا آسراتی نا بابت معلومداری کرے۔ او وخت آ ہسپتال انتظامیہ کمشنر رخشان ءِ ڈاکٹر و ایلو اسٹاف نا کمتی و ہسپتال نا ایلو ویل آتیان معلومدار کرے۔ کمشنر ہسپتال اٹ لیڈی ڈاکٹر، میڈیکل آفیسر و ایلو اسٹاف نا تعیناتی کن سیکرٹری جانجوڑی و ایلوفتتون ہیت کننگ نا پارت کرے۔ کمشنر رخشان پارینے کنا دا دورہ آن ہسپتال اٹ بھلو جوانی اس بسنے۔ اسٹاف ہم ساڑی ءِ و خاص کر سفائی نا حالیت جوان ءِ۔ کمشنر ڈپٹی کمشنر چاغی حسین جان بلوچ نا کنڈآن تینا ہسپتال آتا دورہ ءِ اوڑے طبی آسراتی و ویل آتا جاچ ءِ ہلسا اوفتا ستا ءِ کرے۔

(خ ن)

Get real time updates directly on you device, subscribe now.

Leave A Reply

Your email address will not be published.