صابر علی بلوچ ناگورنمنٹ بوائز ہائی اسکول گھٹی ڈھور نا دورہ

گوادر، ڈویژنل ڈائریکٹر تعلیم مکران صابر علی بلوچ گورنمنٹ بوائز ہائی اسکول گھٹی ڈھور نا دورہ ءِ کرے، ہراڑے او اسکول نا سفائی‘ زیبائی، تعلیمی چاگڑد و اسپورٹس گراؤنڈ نا دورہ ءِ کرے، وخت اس کہ جتاجتا کلاس روم تیٹی ہنسا تدریسی عمل نا جاچ ءِ ہلک و طالب علم آتیان سوج ارفے‘ راست ورندی تننگ آ او طالب علم آتا است بڈی ءِ کرے و اوفتا تعلیمی لائخی تاستاءِ کرے۔ دا وخت آ صابر علی بلوچ اسکول نا گچین تعلیمی چاگڑد، سفائی و زیبائی ناستاءِ کرسا دا ہیت آ زور شاغا کہ تعلیمی ادارہ غاتیٹی آب اٹو تدریس، گچین تعلیمی چاگڑد و گوازی تا آسراتی تے پین شون تننگے تاکہ طالب علم آتا تعلیمی و جونی شونداری ءِ پک کننگ مرے۔ اسکول بننگ آ سینئر استاد یار محمد بشام ڈویژنل ڈائریکٹر تعلیم و اوڑتون بروک مہمان تے بخیر کرے۔