السی آسودہی نا شونداری ڈٹ آتے وخت آ پورو کننگے،ڈپٹی کمشنر نصیرآباد وریندر لعل

نصیرآباد، ڈپٹی کمشنر نصیرآباد وریندر لعل السی آسودہی نا تفوئی شونداری ڈٹ آتا دورہ ءِ کرے‘ تفوئی کاریم و آب انا جاچ ءِ ہلک۔ یات سلے کہ تدوک آ دے ہم ایس ڈی او بلڈنگ عابد علی پہنور و ایس ڈی او روڈز ذوالفقار علی لہڑی تون اوار سرکاری باندات آتا سرتننگ و السی آسودہی نا ڈٹ آتا وخت آ پوروی ءِ پک کننگ کن ضلع ٹی برجا شونداری ڈٹ آتا دورہ ءِ کرے۔ داوخت آ او واپڈا کالونی ٹی باؤنڈری وال‘ ٹراما سینٹر نا بحالی و جوڑجاڑ‘ گورنمنٹ بوائز اسپیشل اسکول نا جوڑجاڑ‘ گورنمنٹ بوائز ہائی اسکول شہید سہیل اسلم نا جوڑجاڑ سرجز و انفارمیشن ٹیکنالوجی ہب جوڑ کننگ تون تعلقدار برجا کاریم تا جاچ ءِ ہلک۔ دورہ نا وخت آ ڈپٹی کمشنر تعلقدار شونداری ڈٹ آتیا برجا تفوئی و جوڑجاڑ نا کاریم تا پیشرفت نا جاچ ءِ ہلک۔