راڑہ شم بارکھان اٹی سی ٹی ڈی ا آپریشن، فتنہ الہندوستان نا 10 دہشتگرد خلنگار،شاہد رند
Get real time updates directly on you device, subscribe now.
کوئٹہ، وزیراعلیٰ بلوچستان نا کمکار حوالکاری و سیاسی باندات شاہد رند پارینے کہ بارکھان نا علاقہ راڑہ شم اٹی کاؤنٹر ٹیررازم ڈیپارٹمنٹ (سی ٹی ڈی) پک اودیم حوال آ انٹیلی جنس بیسڈ آپریشن کرسا فتنہ الہندوستان نا 10 دہشت گرد ءِ خلک‘ کارروائی ٹی خلنگوک دہشتگرد آتیان بھلو کچ اسے ٹی سلہہ و منچر ہم دوئی کننگا وخت اس کہ آپریشن ناوخت آ سی ٹی ڈی نا اِرا کارندہ ٹھپی مسر۔ وزیراعلیٰ بلوچستان نا کمکار پارے کہ سیکورٹی فورس، پولیس و سی ٹی ڈی بلوچستان آن فتنہ الہندوستان نا دہشتگرد آتا پورو چٹفنگ کن سنبرینگوک ءُ۔ او پارے کہ دہشت گردی نا پورو چٹفنگ و صوبہ ٹی امن کن سیکورٹی فورس آتا کارروائیک برجا سلرہ۔