وزیراعظم اسپیشل ٹیکنالوجی زونز اتھارٹی نا نزور کارکڑد آ ترند

اسلام آباد : وزیراعظم محمد شہباز شریف اسپیشل ٹیکنالوجی زونز اتھارٹی نا کارکڑد آ گڑتی نا درشانی ءِ کرسا وزیرخزانہ اسحاق ڈار نا کماشی ٹی اسپیشل ٹیکنالوجی زون اتھارٹی ءِ فعال کننگ کن کمیٹی اس جوڑ کرینے ہرا اسہ ہفتہ نا تہہ ٹی تینا سلاہ و سوج آتے پیش کیک۔ وزیراعظم آفس نامیڈیا ونگ آن چارشنبے نادے آ جاری بیان نا رداٹ وزیراعظم نا کماشی ٹی اسپیشل ٹیکنالوجی زونز اتھارٹی نا بابت بڑزکو کہولی دیوان ا س اڈ ہلک۔ وزیراعظم اتھارٹی ناکارکڑد آ گڑتی نا درشانی ءِ کرسا پارے کہ ملک اٹی ساڑی وسیلہ غاتا پین زیان ءِ اسُل امنا کپنہ۔ باصلاحیت پاکستانی ورناک آئی ٹی نا بشخ اٹی تینا رداٹ تینٹ روزگار کننگ ءُ وخت اس کہ تعلقدار اتھارٹی غیر فعال ءِ۔ وزیراعظم اسپیشل ٹیکنالوجی زونز اتھارٹی ءِ فعال کننگ کن کمیٹی اس جوڑ کرے ہرانا سروک وزیرخزانہ اسحاق ڈار مریک وخت اس کہ وزیر انفارمیشن ٹیکنالوجی، وزیر کانود،وزیر زرکاری، سلاہکار وزیراعظم احد چیمہ، سینیٹر عفنان اللہ و چیئرمین سی ڈی اے کمیٹی نا ممبر مریرہ۔ وزیراعظم پارت کرے کہ کمیٹی اسہ ہفتہ نا تہہ ٹی اسپیشل ٹیکنالوجی زونز اتھارٹی ءِ فعال کننگ کن تینا سلاہ و سوج آتے پیش کے۔ اتھارٹی نا بورڈ آف گورنرءِ ہم دمدستی وڑاٹ فعال کننگے۔ بورڈ آف گورنراٹی تعلقدار بشخ انا چاہندارآتا ساڑی گری ءِ پک کے۔ وزیراعظم اتھارٹی ٹی پلاٹ آتیٹی زرکاری نا جاگہ غا اونا اصل مسخت یعنی ملک اٹی ٹیکنالوجی نا مون آ دننگ آ چکار کننگ نا پارت کرے۔ اوپارے کہ اسپیشل ٹیکنالوجی زونز اتھارٹی نا اصلاحات و اودے فعال کننگ نا گام گیج آتیٹی پین وڑنا تعطل ءِ امنا کننگپک۔ اوپارے کہ مسلم لیگ (ن) تینا دور حکومت اٹی ورناتے آئی ٹی برآمد آتے ودفنگ کن کسب تننگ نا بنداو ءِتخا۔ کورونا دین انا جہانی دین اٹی ورناتے تروک آ لیپ ٹاپ آتیان لکھ آبندغ آک روزگار کریر۔ دیوان اٹی بنجائی وزیر اسحاق ڈار، چوہدری سالک حسین، سید امین الحق، سلاہکار وزیراعظم احد چیمہ، خصوصی کمکار جہانزیب خان و تعلقدار بڑزکو کمامدارآک بشخ ہلکر۔ دیوان ءِ اسپیشل ٹیکنالوجی زون تا بابت سرجمی اٹ حوال ترسا پاننگاکہ اتھارٹی ٹی داوخت آ 400 کمپنی رجسٹرڈ ءُ ہرافتیان 63 درسد پاکستانی وخت اس کہ ایلو چین، امریکہ، ترکیہ و ایلو ملک آتیان تعلق تخرہ۔ دیوان ءِ اتھارٹی نا بورڈ آف گورنرز و ویل آتا بابت ہم معلومدار کننگا۔ وزیراعظم اتھارٹی ءِ فعال و گچین وڑاٹ ملکی آئی ٹی برآمد آتیٹی تینا کڑد ءِ ادا کننگ کن گام گیج آتا اولیتی بنداو تیا نفاذ نا ہم پارت کرے۔

(اے پی پی)