بلوچستان ءِ این ایف سی ایوارڈ اٹ بھاز کم پیسہ ملک، قدوس بزنجو

وزیراعظم ویل آتا ایسری کن فعال کڑد ادا کننگ اٹی ءِ،کوئٹہ ٹی پاکستان سپرلیگ نا سرسہب ءُ میچ اس اڈ ہلک، وزیراعلیٰ بلوچستان

0

Get real time updates directly on you device, subscribe now.

کوئٹہ : وزیراعلیٰ بلوچستان میر عبدالقدوس بزنجو پارے کہ کوئٹہ ٹی پاکستان سپر لیگ نا سرسہب میچ اس پرامن ماحول اٹی مس، میڈیا نا سنگت آک پبی سپورٹ کریر، سیکورٹی آ پولیس و سیکورٹی ادارہ غاتا کڑد انا ستاءِ کینہ، وسیلہ غاتا فراوانی کن ہرممکن کوشست مریک، وزیراعظم شہباز شریف ملکی ویل آتا ایسری کن فعال کڑد ادا کننگ اٹی ءِ، میڈیا زمواری نا درشانی ءِ کے تو دہشت گرد آتا پروموشن مفک ہراڑان دہشت گردی ٹی تینٹ 70 درسد اسکان کمتی مریک۔ داخیال آتا درشانی ءِ او وزیراعلیٰ سیکرٹریٹ اٹی بیورو چیف و ایڈیٹر آتون اوڑدہی ٹی گپ و تران کرسا کرے۔ وزیراعلیٰ بلوچستان میر عبدالقدوس بزنجو پارے کہ دے پہ دے بلوچستان اٹی حالیت آتے گچینی نا کنڈآ دننگ نا کوشست کننگ اُن۔ ریکوڈک ڈٹ کیس جہانی عدالت اٹ باتسوسن ولے باتروک آ کیس اٹ تینا بشخ ءِ ہلنگ بھلو سرسہبی اسے، بلوچستان پسماندہ ءُ صوبہ اسے، این ایف سی ایوارڈ اٹی بھاز کم پیسہ ملک وخت اس کہ نیمہ پاکستان نا رکھ ءِ کننگ اُن، سیکورٹی آ ہچ ءُ کمپرومائز اس کننگپک اگہ داڑے حالیت آک خراب مریرہ تو مچ آ ملک آ اثرتمک، پولیس نا گچینی کن ہرممکن کوشست کننگ اُن۔ اوپارے کہ مائنز اینڈ منرلز نا بابت غٹ پیشن نا ملک آتا زرکارآتے سلہ خلینہ اوفتا رکھ و آسراتی تا فراوانی حکومت بلوچستان نا زمواری ءِ۔ ملک دشمن تے ٹارگٹ دوئی مننگ کتو ہرا خوف تالان کننگ نا کوشست کننگا اوعزم آک بے سہب مسر، بھاز انگا گڑاک قومی زمواری جوڑ مریرہ، اوپارے کہ میڈیا نا ویل آتا ایسری کن ہروخت تیار اُن تانکہ ایلمی نا چرجوئی چلینگساکے۔ بلوچستان نا میڈیا تینا زمواری تے پورو کرے، ننا میڈیا کس اسے نا عزت نفس ءِ مجروح کتو ہرا ننا روایت آک ءُ، میڈیا الس نا خف، خن و زبان ءِ ہر اگڑا ءِ میڈیاغا نشان تننگک اوسچامننگک۔ وزیراعلیٰ بلوچستان میر عبدالقدوس بزنجو پارے کہ ہراتم کس اسے نا لاش ءِ نشان تننگک تو او خاہوت آتا ٹھپ آتیا مالم نا جاگہ غا بے چٹ تننگ آنبار ءِ۔ میڈیا زمواری نا درشانی ءِ کے تو دہشت گردی ٹی تینٹ 70 درسد کمتی مریک، صوبائی حکومت نا زمواری سیکورٹی نا فراوانی ءِ تانکہ الس تینے رکھ تکے، نن وی آئی پی کلچر نا چٹفنگ کن کوشست کرین الس نا خذمت کن بسونن نئے کہ مخلوق ءِ وی آئی پی کلچر نا پن آ خوار کین۔ میر عبدالقدوس بزنجو پارے کہ ننا حکومت مست ہڑدے برانز مسکہ سڑک آک بلاک ئسر، بینر خلنگاکہ ولے ہراتم بجٹ ءِ پیش کرین تو اسہ جاگہ اس ہم برانز نظر بتو، بلوچستان پسماندہ ءُ صوبہ اسے، این ایف سی ایوارڈ اٹی بھاز کم پیسہ ملک اگہ داڑے حالیت آک خراب مریرہ تو مچ آ ملک آ اثرتمک۔ اومیت و اللہ غا بھروسہ ءِ کہ تینا زمواری تے پورو کیوہ کانود نافذ کروک آ ادارہ غاتا کارندہ غاک گچین فرض سرتسنو، بھاز انگا چیک پوسٹ آتے چٹفینن، ننا مسخت الس ءِ رکھ تننگ ءِ، دا آڑ اٹ کس اسے تکلیف تننگ نا موکل تفنہ، سیکورٹی ادارہ غاک 10 اچیومنٹ کیرہ اسہ ہیب اس پیش تمک تو خبر جوڑ مریک نن ادارہ غاتا مثبت کاریم تے بایدے سپورٹ کین۔ وزیراعلیٰ بلوچستان میر عبدالقدوس بزنجو پارے کہ ریکوڈک ڈٹ کیس ءِ جہانی عدالت اٹ باتسوسن ولے باتروک آ کیس اٹ تینا بشخ ءِ ہلنگ بھلو سرسہبی اسے، داجاگہ نا معدنیات آتا بارواٹ سہی فیصلہ ہلنگے تو ننے آئی ایم ایف نا کنڈآ ہروئی تمپک۔

(اے پی پی)

Get real time updates directly on you device, subscribe now.

Leave A Reply

Your email address will not be published.