حمیرا صدف (برج جدی)

شاہین بارانزئی

0

Get real time updates directly on you device, subscribe now.

حمیرا صدف (ودی دے 17 جنوری 1978ء) برج ”جدی“ (Capricorn)، حاکم استار ”زحل“ (Saturn)، مزاج ”خاکی“ (مشی)، نشانی ”گڈ“ (مش انا میل/)، مزاج نا ایلو برج آک ”ثور، سنبلہ“، چَپ مزاج برج آک ”حمل، سرطان“، اسہ وڑ انا برج آک ”عقرب، قوص، دلو، حوت“، ہرا برج آک کہ بِسٹ غیر جانبدار ءُ اوفک ”جوزا، اسد“، ودی دے ئی عدد ”8“ و مرکب عدد ”40“ ءِ۔

برج (جدی) نا والا بندغ اصول پسند و اصول آتا پابند مریک۔ اصول آتیا سختی اٹ عمل کیک۔ او ظاہری نمود و نمائش آن بد دیک، ہر گڑا ءِ ایلوفتا نشان تننگ کن کننگ آن اودے بد بریک۔ اُست خواہی، محنت اٹ کاریم کرسا تینا کارکڑد ءِ نشان تننگ نا خواہندار، تینا ذہنی لائخی اٹ ویل آتا ایسری کن محنت کروک، ہر کاریم ءِ اونا ترتیب اٹ مون آ دننگ و مناسب وخت انا زی آ اونا بھرم ءِ خواہک۔

فلکیات نا چاہندار آتا رد اٹ برج ”جدی“ نا گودی نیاڑی بھاز مہذب، مودب مریک، بھلا تا احترام ءِ تینا اخلاقی فرض تکک۔ مہر ومریبت کروک، ہر کاریم ءِ سوچ و سمجھنگ آن پد کیک۔ ہمدردی خیرخواہی اونا مزاج اٹی ساڑی مریک۔ خاندانی شرافت اونا زند انا بشخ اسے، زند ءِ مقصد کن گدریفوک اس مریک۔ وام وام داری آن گیشتریکان مُرّ مننگ نا کوشست کیک۔ سخت اِنگا حالیت آتیان وائیڑا مفک۔ روشن خیال مریک۔ ولدا ہم گڑاس نزوری دا مریرہ کہ برج ”جدی“ نا گودی نیاڑی وخت وخت اس بھاز سخت مزاج مریک، ایلوفتتون بھاز سختی اٹ پیش بریک۔ گڑاس حالیت آتا سوب آن فریشانی نا گواچی ہم مننگ کیک۔ تنقید ءِ سگنگ کپک۔ وخت وخت اس کنجوس ہم مریک۔

حمیرا صدف نا ودی دے ئی عدد ”8“ ءِ۔ علم الاعداد نا چاہندار آتا رد اٹ دا عدد نا بندغ (نرینہ مرے یا نیاڑی) حساس مریک، ہر گڑاءِ محسوس کیک۔ غلط فہمی تا ہم زو گواچی مننگ کیک۔ علم الاعداد نا چاہندار ”کیرو“ نا پاننگ نا رد اٹ ودی دے ئی نمبر ”8“ خوش بختی نا مون اٹی اڑانگ ہم ودی کیک۔

ولدا ہم حمیرا صدف نا مرکب عدد

(Humera Sadaf 5+6+4+5+2+1=23- 3+1+4+1+8=17-23+17=40)

”40“ ءِ۔

دا مرکب عدد ودی دے ئی عدد ”4“ آنبار ءِ۔ وخت اس کہ ودی دے ئی عدد ”4“ نا بندغ (نرینہ مرے یا نیاڑی) ءِ سرپند مننگ بھاز مشکل ءِ۔ ودی دے ئی عدد ”4“ والا بندغ مدام ایلوفتیان جتا نقطہ نظر تخک۔

حمیرا صدف نا لائف پاتھ عدد

(1+7+1+1+9+7+8=34-3+4=7)

”7“ ءِ۔ نومرالوجسٹ آتا رد اٹ لائف پاتھ عدد ”7“ تنیائی وڑوک ءُ عدد اسے۔ دا عدد (7) انا خواجہ یا گودی تینا جند انا آزموندہ غاتیان ہیل کننگ خواہک۔ علم و دانائی ءِ کاریم اٹ اتیک۔ تینا مرضی و منشاء نا رد اٹ کاریم کننگ خواہک۔ تینا کار و کڑد نا درشانی ءِ ہمو وخت کننگ کیک ہرا وخت کہ مچے بھاز یکئی ٹی رہینگے۔ مڑوئی مچٹ بھاز متکبر مریک۔ ایلوفتا سلاہ و مشورہ ءِ خاص اہمیت تفک۔

حمیرا صدف نا ودی دے ٹی عدد ”7“ انا تکرار ساڑی ءِ۔ دُن کہ ودی مننگ نا دے ٹی عدد ”7“ ارے (17) جنوری۔ ودی مننگ نا سال اٹی ہم عدد ”7“ (1978) ساڑی ءِ۔ دا (7) اسہ روحانی ءُُ عدد اسے۔ سیل و سوات، کمپیوٹر سائنس، مذہب و فلسفہ نا بشخ آتے ٹی جوان ءُ سرسہبی اس دوئی کننگ کیک۔ علم الاعداد نا چاہندار آتا دا ہم پاننگ ءِ کہ اگہ عدد ”7“ و عدد ”1“ انا اوار سواری مرے تو دا بندغ (نرینہ یا نیاڑی) مصوری، کمپیوٹر سائنس، فن لطیفہ تون اوار اوار زند انا چندی بشخ آتے ٹی تینا لائخی تے کاریم اٹی اتنگ نا لائخی تخک۔ حمیرا صدف نا عدد آتے ٹی ہم عدد ”7“ و عدد ”1“ نا اواری ارے، و دا اونا ودی دے انا وڑ اٹ ساڑی ءِ، دُن کہ ”17“ جنوری (1978)۔

حمیرا صدف نا برج ”جدی“ ءِ۔ براہوئی زبان نا ہرا شاعر، ادیب و دانشور آک ”جدی“ برج انا مالک ءُ، و ہرافتا ودی دے 21دسمبر آن 20 جنوری نا نیام اٹی ءِ، اوفتے ٹی عبدالصمد شاہین یکم جنوری (1931ء)، حاجی عبداللطیف بنگلزئی یکم جنوری (1954ء)، پروفیسر منظور بلوچ یکم جنوری (1970ء)، نادر شاہوانی یکم جنوری (1964ء)، سلطان احمد شاہوانی 5 جنوری (1962ء)، و سید غریب شاہ انجم 10 جنوری (1973) ساڑی ءُ۔

ہفتئی تلار
تاک: 31
27-21اگست 2021ء
پنہ: 07

Get real time updates directly on you device, subscribe now.

Leave A Reply

Your email address will not be published.