ڈیرہ مراد جمالی : شار اٹ رش ءِ کم کننگ کن پولیس تعینات
Get real time updates directly on you device, subscribe now.
تمبو (آن لائن) ڈیرہ مراد جمالی شار اٹ لاک ڈاﺅن نا 7میکو دے آ شار اٹ رش ءِ کم کننگ کن ڈیرہ مراد جمالی سٹی پولیس شار انا کیہی چوک آتیا پولیس تعینات کرینے‘ کانود نا خلاف ورزی کننگ آ پولیس چندی بندغ آتے دزگیر کرے۔ دا وخت آ سٹی ایس ایچ او صحافی تتون ہیت وگپ کرسا پارے کہ سٹی پولیس الس نا خذمت ءِ کننگ اٹی ءِ‘ او پارے کہ الس تینا جوانی و آخبت نا رکھنگ وساڑی حالیت آتے ٹی کورونا آن بچنگ کن تینا اُراتے ٹی مرے‘ زیات پیشن پیش تمپ تاکہ او تینٹ و اونا خاہوت ہم رکھوک مننگ کے و کورونا وائرس ءِ توننگ مرے۔اوپارے کہ حکومتی گام گیج آتیا عمل کرسا نن تینے زند آتے بچفنگ کینہ۔ امریکہ، اٹلی وایلو یورپی ملک آک رکھی گام گیج کتوس ہرانا نسخان الس ءِ ہرفوئی تمنگ ءِ۔ پاکستانی الس حکومتی و رکھی گام گیج آتیا عمل کرسا تینا آخبت ءِ رکھوک کے‘ تینٹ اُراتے ٹی مرسا پامدار مننگ نا شاہدی ایتے۔ رکھی گام گیج تینائی کرسا کورونا ءِ شکست کننگ کن حکومت تون کمک کے‘ شاری تا رکھ ءِ کننگ ننا فرض ءِ شاریک ننے سختی کننگ آبیوس کپس۔