لاک ڈاون آ عمل کننگپک تو کرفیوخلوئی تمک، وزیراعظم آزاد کشمیر

اسلام آباد(اے پی پی) وزیراعظم آزاد کشمیر راجہ فاروق حیدر خان الس ءِ ہکل تسنے کہ او بے گرج اُراتیان پیش تمنگ آن پاناد کیر ورنہ بھلو جرمانہ اس کننگک، انسانی جان آن ود ہچءُ گڑاس نہادی اف، لاک ڈاون آ عمل کننگپک تو کرفیو خلوئی تمک، حکومت نا کنڈآن راجی ملنگ آپابندی کن رکھی گام گیج َتا پابندی ءِ کیر۔ تینا ویڈیو بیان اسے ٹی او آزاد کشمیر نا الس ءِ پارینے کہ بحیثیت وزیراعظم الس نا جان و مال انا رکھ اونا زمواری ءِ۔ انسانی جان آن ود ہچءُ گڑاس نہادی اف۔ شاریک بے گرج بازار تیا ہِننگ آن پاناد کیر، ہر اُرانا اسہ بندغ اس تین تون شناختی کارڈ ءِ تخسا سودا ہلنگ کن مارکیٹ آ ہِننگ کیک۔ اوپارے کہ وزیراعظم پاکستان تون اواری اٹ دافیصلہ ءِ کننگانے کہ مال بردارگاڈی تا ہن و بر آ پابندی مفک ہنداخاطرآن ضرورت نا گڑاتا ہچءُ کاختی اس مفک۔ اوپارے کہ الس لس ناجوڑی یا کوروناوائرس آن زوال کروک آ ہربندغ نا جنازہ غاہِننگ آن پاناد کیر۔ انتئے کہ داوڑکرسا اوچندی جنازہ غاتا بست و بند ءِ کرور۔اوپارے کہ نن آزاد کشمیر ءِ پاکستان تون ملفوک آ کسرتے بند کرینن کنا تینا ایڑھ داسوب آن آزاد کشمیر آ بننگ کتو۔ ہنداخاطرآن الس ہراڑے اریر ہموڑے مریر۔