اِراتُواٹی دونیم لکھ پاکستانی تے پیشن آن وطن آ پدی اتنگانے، عندلیب عباس
Get real time updates directly on you device, subscribe now.
اسلام آباد (اے پی پی) قومی اسمبلی ءِ پاننگانے کہ تدوک آ اِراتُواٹی دونیم لکھ آن زیات پاکستانی تے پیشن نا ملک آتیان وطن آ پدی سرکننگانے۔ کوروناوائرس نا دین اتون مون تننگ کن حکومت نا حکمت عملی نا جہانی کہول آ ستاءِ کننگانے۔ پاکستان کوروناوائرس نا دین اتون گچین وڑاٹ مون تروک آ چار گچین ملک آتیٹی اوار ءِ۔ چارشنبے نادے آ قومی اسمبلی ٹی وقفہ سوج آتیٹی نوید عامر جیو و ایلو باسک آتا سوج آتا ورندی ٹی پارلیمانی سیکرٹری عندلیب عباس ایوان ءِ پارے کہ ایران اٹ کوروناوائرس نا دین انا ارٹ میکو لہر بسنے۔ مشہد و قم انا علاقہ غاتے بند کننگانے۔ جہانی میڈیا نا رداٹ پاکستان ءِ کورونا نا دین ءِ کنٹرول کننگ نا حالیت آتا ستاءِ کننگ انگ ءِ۔ اوپارے کہ سیم تیا ایس او پی تیٹی بدلی کننگانے۔ ایران تون سیم آ مچ آ آسراتیک اریر۔ زائر آتا مہالو نا حالیت آتارداٹ حکمت عملی ٹی بدلی کننگا۔ اوپارے کہ ایران آن 8 ہزار 465 پاکستانی تے پدی اتنگا۔ کوروناوائرس نا دین انا سوب آن ایئرلائن بند ئسر۔ پاکستان ایران آن اسہ ہفتہ نا وخت خواہسوسس۔ ایران بارڈر ءِ ملسا پاکستانی تے پدی گدریفے۔ ہرا پاکستانی ایران اٹی ءُ اوداسہ ایران ایئر نا کمک اٹ پاکستان آ پدی بننگ ءُ۔