دہشتگردی نا کارروائی نا امن ءِ لتاڑنگ نا سازش اسے، وزیراعلیٰ جام کمال
Get real time updates directly on you device, subscribe now.
کوئٹہ (اے پی پی) وزیراعلیٰ بلوچستان جام کمال خان کراچی اسٹاک ایکسچینج آ دہشت گرد آتا جلہو نا مذمت ءِ کرسا پارینے کہ دہشت گردی نا کارروائی پاکستان نا امن و زرگزرانی سرجزآتے لتاڑنگ نا سازش اسے، ملک دشمنک تینا ناپاک عزم اٹی سرسہب مننگ کپسہ، وزیراعلیٰ دہشت گردی نا کارروائی ٹی جانی نسخان آ است ہسونی نا درشانی ءِ کرے۔ اوسیکورٹی فورس آتے وخت آ و گچین کارروائی آ خراج تحسین پیش کرسا شہید آتا خاہوت آتون ہڑزخواہی و شہید آتا درجہ غاتا بڑزی کن دعا کرے۔