الضار جل جلالہٗ : ضرر رسیفوک آ  النافع جل جلالہٗ : فائدہ رسیفوک آ

”الضار جل جلالہٗ الذی العاصین بحرمانہ، والنافع جل جلالہٗ الذی ینفع الطناعین بتوفیقہ و احسانہ“
بدل: ”الضار جل جلالہٗ ہمو ذات پاک ءِ کہ تینا نا فرمان آ بندغ آتے نعمت آتیان محروم کننگ اٹ سزا ایتک، والنافع جل جلالہٗ ہمودے کہ او تینا فرمان بردار آتے تینا احسان و توفیق اٹ فائدہ سر کیک۔

دا ہڑدوسر آ اسم مبارک آتا بارو اٹ عالم دینک نوشتہ کرینو کہ ’الضار جل جلالہٗ و النافع جل جلالہٗ اللہ پاک نا ہمو پنک ءُ کہ دافتے اسیجا خواننگ آن دا فائدہ مریک کہ نفع و نقصان نا بیرہ ہمو اسہ ذات قدرت و طاقت تخک۔ کس دا گڑا تا قدرت و طاقت نا لائخ اف و ہر وخت اس کہ پین کس ءِ دافتا طاقت کہ متو تو اوڑان نقصان نا خوف و فائدہ نا اومیت تخوئی اف۔ ہندا گڑا نا درس ءِ اللہ پاک تینا قرآن اٹ تسنے، او تینا نبی ءِ پاہک کہ کنا نبی! نی مخلوق ءِ دن پا:
”لا املک لنفسی ضراً ولا نفعاً الا ما شاءاللہ۔“
بدل: ”ای تینا نقصان و نفع نا مالک افٹ“ معلوم مس کہ اصل نفع نقصان آ قادر الضار جل جلالہٗ و النافع جل جلالہٗ نا ذات ءِ۔