براہوئی شاعری نا تاریخ اٹ اسہ بھلو ودکی اس
حسن ناصر:
ایہُن تو براہوئی زبان نا اولیکو شاعر ملک داد قلاتی (غرشین) پاننگک ہرانا دور ہژدمیکو صدی ءِ ولے ہرا حاجی شاہ بیگ شیدا صاحب نا پٹ و پول ءِ اوٹی ملک داد قلاتی (شاہوانی) 1829ء اٹی ودی مسنے، ہندُن 1899 اٹی کزیت کرینے، اونا شاعری دو بسنے او ریاست قلات نا خان نا دربار نا چوبدار مسنے۔ ہندُن اونا شاعری اونا ورنائی نا وئی انا ءِ ہندُن دا کتاب اٹ ملک داد شاہوانی نا زند بود اونا شجرہ تون اوار اونا اسہ حمد اس دوانزدہ نعت پنچ براہوئی غزل و شش فارسی غزل ساڑی ءُ حاجی شاہ بیگ شیدا نا دا پٹ وپول نا رد اٹ براہوئی ادب نا بنائی شاعر آتے مُستی اتنگ نا بابت اسہ بنیادی ءُ کاریم اس داکان مُست حاجی صاحب مُلا فاضل نیچاری نا رزمیہ شاعری ءِ پٹ پول کرسا اسہ مقالہ اسے نا دروشم اٹی مونی اتنگ ئس، ہرادے تلار اٹ چھاپ کرے۔ ہندُن براہوئی کیلنڈر ءِ ہم ترتیب ترسا تلار اخبار نا باہوٹ کرے۔ کنا قبلہ نا کاریمک بروک آ پولکار آتے اسہ سیبو اس ترور رب پاک اونا پٹ وپول اٹ پین برکت شاغے آمین