کراچی ٹی پر، بنجا سندھ حکومت تون کمک کیک
Get real time updates directly on you device, subscribe now.
اسلام آباد (اے پی پی) وزیراعظم عمران خان پارینے کہ کراچی ٹی مروک آ بھسکاری و داٹی الس ءِ مون تروک ویل آتا ایسری نا بابت بنجائی حکومت صوبائی حکومت تون ہروڑاٹ کمک کیک و دارداٹ غٹ بنجائی ادارہ غاتے پارت جاری کننگانے کہ او ریلیف سرجز آتیٹی صوبائی حکومت تون پبی کمک کیر۔ حکومتی کوشست و حکمت عملی نا سوب آن کورونا نا تالانی ءِ توننگانے، داسکان گڑتی ارے ہراڑتون مون تننگ کن مچ آ قوم انا کمک درکار ءِ، محرم الحرام اٹ رکھی گام گیج اختیار کننگ نا گرج ءِ، کراچی ٹی مروک آ بھس کاری و الس نا ویل آتا ایسری کن بنجائی حکومت صوبائی حکومت تون پورو کمک کیک، اسکول آتیٹی تعلیمی سرجزآتا بحالی نا بابت صوبائی حکومت اسکول آتاانتظامیہ و ایلو تعلقدار آتا سلابت اٹ غٹ بست وبند آتے پک کننگے۔ اوداخیال آتا درشانی ءِ جمعہ نادے آ داڑے نیشنل کوآرڈینیشن کمیٹی کوویڈ۔ 19 نا دیوان نا کماشی ءِ کرسا کرے۔