ترک صدر نا کشمیر ویل آ موقف مدام پیدوار مسنے، علی امین گنڈاپور

0

Get real time updates directly on you device, subscribe now.

اسلام آباد (اے پی پی) بنجائی وزیر امور کشمیر و گلگت بلتستان علی امین خان گنڈاپور پارینے کہ ترک صدر طیب اردوان نا کشمیر نا ویل آ موقف مدام پیدوار مسنے۔ کشمیر نا ویل آ پدریسہ مخ تفی آ ترک حکومت و الس نا منت واری ءِ ہرفنہ، ترکی و پاکستان نا نیام اٹ دہائی تیا تالان آ ایلمی تعلقداری پین سوگو مننگ ءِ، گلگت بلتستان اٹی سیل و سوات نا بشخ اٹی پیشن نا زرکاری نا گچین وارخواہی ساڑی ءِ، ترک زرکار آک گلگت بلتستان اٹی زرکاری آن بے حد فائدہ ہرفنگ کیرہ، ہر سال کم و ود 20 لکھ ہندی سیل و سواتی گلگت بلتستان آ بریرہ۔ داخیال آتا درشانی ءِ او ترک کوآپریشن اینڈ کوآڈیشن ایجنسی نا کنٹری ہیڈ مسٹر گوخان امت تون اوڑدہی ٹی کرے۔ اوڑدہی ٹی ہڑتوم آ ملک آتا نیام اٹ جوڑ برادرانہ تعلقداری آ سرجم گپ وتران مس و چندی بشخ آتیٹی ہڑتوم آ ملک آتا نیام اٹ برجا کمکاری نا بابت باندات آتا جاچ ءِ ہلنگا۔

Get real time updates directly on you device, subscribe now.

Leave A Reply

Your email address will not be published.