ڈومیسائل نا ویلءِ شفاف وڑ اٹ زوت ایسر کننگے‘سہیل الرحمن بلوچ
Get real time updates directly on you device, subscribe now.
لورالائی (خ ن) کمشنر ژوب ڈویژن سہیل الرحمن بلوچ ناکماشی ٹی ڈویژنل ویڈیولنک کانفرنس اڈ ہلک‘ ہراٹی ڈپٹی کمشنر لورالائی کیپٹن (ر)فیاض علی‘ ڈپٹی کمشنر قلعہ سیف اللہ حبیب الرحمن کاکڑ‘ ڈپٹی کمشنر شہک بلوچ‘ ڈپٹی کمشنر موسیٰ خیل محمد افضل خوستی‘ ڈپٹی کمشنر شیرانی محمد رمضان پلال‘ ڈپٹی کمشنر دکی قربان علی مگسی‘ ڈپٹی کمشنر بارکھان محمد گل خلجی اسک بشخ ہلکر‘ کمشنر ژوب ڈویژن سہیل الرحمن ءِ داو خت آ تعلقدار ضلع غاتا ڈپٹی کمشنر آک پاریر کہ جعلی ڈومیسائل نا بارو اٹ جاست پاست کننگ انگ ءِ و دا رد اٹ ہچ ءُ ڈیوالئی اس سگنگ مفک‘ غٹ ڈپٹی کمشنر آک تینا ضلع غاتا لوکل کمیٹی تا بارو اٹ پاریر کہ لوکل کمیٹی تا دیوان برجاءِ و داٹی جعلی ڈومیسائل نا بارو اٹ پٹ وپول کروک آ بندغ آتے اوار مننگ نا وارخواہی تننگک۔