جہانی تائیکوانڈو فیڈریشن نا بورڈ آف گورنر و مجلس عاملہ نا دیوان 10 اگست آن بنا مریک
Get real time updates directly on you device, subscribe now.
اسلام آباد (مانیٹرنگ ڈیسک) پاکستان تائیکوانڈو فیڈریشن نا صدر کرنل (ر) وسیم احمد جنجوعہ پارینے کہ جہانی تائیکوانڈو فیڈریشن نا بورڈ آف گورنر و مجلس عاملہ نا دیوان 10 اگست آن بنا مریک۔ دیوان اٹ اینخو دسمبر اسکان نا برجا انگا انٹرنیشنل تائیکوانڈو نا مقابلہ غاتا سرگرمی تا بابت اٹ ہیت و گپ آن بیدس پُوسکن و متکن آ کیلنڈرنا شیڈول نا بارواٹ فیصلہ کننگک۔ دا دیوان 15 اگست اسکان برجا سلک۔ میڈیا تون ہیت وگپ کرسا او پارینے کہ جہانی تائیکوانڈو فیڈریشن پاکستان ءِ انٹرنیشنل جی ون تائیکوانڈو چمپئن شپ الاٹ کریسُس ہراکہ اینخو 23 آن 29 اکتوبر اسکان اسلام آباد اٹ گوازی کننگک و دنیا ٹی کورونا وائر س نا سوب آن جہانی تائیکوانڈو فیڈریشن تائیکوانڈو نا کل انٹرنیشنل کاریم تے زہمی کرینے۔ او پارینے کہ اگہ انٹرنیشنل باڈی جی ون ٹورنامنٹ اڈ ترفنگ نا موکل تننگک تو ولدا تیاری تے کن ننتون اِرا تُو انا وخت مریک و ننے اِرا تُو اٹ اسپانسر پٹنگ تون اوار اوار ایونٹ کن وینیو غاتا کاریم ہم زوت اس کروئی تمک۔