ایران اٹی 5.9 نا زمی جمب، 3 بندغ زوال، 820 ٹھپی
Get real time updates directly on you device, subscribe now.
تہران : ایران اٹ 5.9 ترندی نا زمی جمب آن 3 بندغ زوال وخت اس کہ 820 ٹھپی مسر‘ درملکی خبر ایجنسی نا رد اٹ ایران نا قطبی صوبہ آذربائیجان اٹ ہفتہ و یک شنبے نا نیامئی نن زمی جمب کرے‘ ہرانا ترندی ریکٹر اسکیل آ 5.9 ئس‘ زمی جمب نا لوڈو ایران نا قطبی علاقہ غاتے ٹی محسوس کننگا ولے کل آن زیات نسخان خوئے شار اٹ مس ہراڑے مسہ بندغ زوال وخت اس کہ 820 ٹھپی مسر۔ علاقہ ٹی بھلو کچ اسے ٹی اُراک بھس و سرکاری میرات آتے نسخان مسنے‘ ہرانا سوب آن ایران ناقطبی بشخ اٹ بجلی نا فراوانی معطل مسنے‘ ایلو کنڈآ زمی جمب آن پد آفٹر شاکس نا چرجوئی داسکان برجاءِ دا وخت اسکان 40 نا کچ آفٹر شاکس بسنے ہرافتیان کل آن زیات ترندی 4.9 ریکارڈ کننگانے۔
(آن لائن)