صدر مملکت نا پاک فوج انا شہید حوالدار اظہر اقبال و نائیک محمد اسد ءِ خراج عقیدت
Get real time updates directly on you device, subscribe now.
اسلام آباد: صدر مملکت ڈاکٹر عارف علوی پاک فوج انا شہید حوالدار اظہر اقبال و نائیک محمد اسد ءِ وطن کن جون تا نذرانہ پیش کننگ آ شاندار لوز آتیٹی خراج عقیدت پیش کرینے۔ سے شنبے نادے آ ایوان صدر نا پریس ونگ آن جاری بیان نا رداٹ صدر مملکت پاک فوج انا شہید کارندہ غاتا خاہوت آتون ٹیل فون آ ہڑزخواہی کرے و شہید آتا خاہوت آتے تینا دوست آتا قربانی ءِ تننگ آ سلام پیش کرے۔ صدر مملکت حوالدار اظہر اقبال نا باوہ و نائیک محمد اسد نا ایلم تون ٹیل فون آرابطہ کرے۔ حوالدار اظہر اقبال و نائیک محمد اسد 20 مارچ آ ڈیرہ اسماعیل خان اٹی جلہو اٹی شہید مسوسر۔ اوشہید آتے وطن کن جون تا نذرانہ پیش کننگ آ خراج عقیدت و شہید آتا خاہوت آتے تینا دوست آتا قربانی تننگ آ سلام پیش کرے۔ صدر ڈاکٹر عارف علوی شہید آتا درجہ غاتا بڑزی ووارث آتیکن صبر وجمیل نا دعاہم کرے۔
(اے پی پی)