روچہ نا تو اٹ ایشیاء بیکرز نا اُلس ءِ ریلیف تننگ ستا کڑزک‘ یاسر اقبال دشتی

مستونگ : روچہ نا تو اٹ واپار برادری اُلس ءِ ریلیف تننگ کن کم منافع غا گڑاتے بہا کیر۔ سال انا یانزدہ میکو تو اٹ روٹین نا رداٹ واپار برادری تینا گڑاتے بہا کیرہ اگہ بیرہ اسہ تو اٹ اللہ تعالی نا خوشنودی نا دوئی کننگ و تینا دنیا وآخرت ءِ جوان کننگ کن انسانیت نا خدمت نا خاطر کچ اٹ ءُ منافع اس کٹسا غریب آ اُلس ءِ ریلیف ایتر تو امر جوان مرو۔ دا خیال آتا درشانیء ِ ڈپٹی کمشنر مستونگ یاسر اقبال دشتی، ایڈیشنل ڈپٹی کمشنر سید محمد ندیم شاہ بخاری اسسٹنٹ کمشنر برکت بلوچ اسک روچہ نا تو اٹ خلوک آ اڑزان بازار و ایشیا بیکر سپر مارٹ اٹ روچہ ٹی رعایتی نہاد آتیا کن خور نا گڑاتا فراوانی نا جاچ انا وخت آ کرے۔ نہاد آتیا کن خور نا گڑاتا فراوانی نا جاچ انا وخت آ کرے۔ نہاد آتیٹی سبسڈی تننگ آ اُست خواہی، ایشیا بیکرز و سپر مارٹ نا کنڈآن روچہ ٹی اُلس ءِ ریلیف فراوانی کن کن خور نا گڑاتا نہاد آتیٹی خاص ءُ کمتی اسے نا بابت اٹ روچہ پیکج اڈ تننگا۔ او وخت آ ڈی ایس پی مقصود لغاری، انجمن تاجران مستونگ نا صدر ثنا بلوچ، عبدالجبار درانی آغا ظہور شاہ، مراد جمالی و ایلوفک ہم اوڑتون اوار ئسر۔ او وخت آ ڈپٹی کمشنر یاسر اقبال دشتی پارینے کہ واپار برادری روچہ ٹی اُلس ءِ ریلیف ترسا ضلعی انتظامیہ تون جوان کمک کیر۔ ضلعی انتظامیہ اُلس ءِ ریلیف فراوان کننگ کن اڑزان بازار اس اڈ تننگا۔ ہراڑے اُلس ءِ مناسب نہاد آتیا کن خور نا گڑا دوئی مرے۔ او ایشیا بیکرز نا اونر عبدالحکیم حاجی عبدالعزیز نا کوشست آتا ستا ءِ کرسا پارینے کہ روچہ ٹی اُلس ءِ ہرا سبسڈی ءِ تسونرے او ستا کڑزک۔ کل واپار آک اگہ دا تو اٹ ہندن نہاد آتیٹی رعایت کریرہ تو انتظامیہ ءِ اڑزان بازار خلنگ نا گرج بتوکہ۔

(آن لائن)