پاکستان اس زیبا ءُ ملک اسے‘کرس ووکس

0

Get real time updates directly on you device, subscribe now.

لاہور (مانیٹرنگ ڈیسک) انگلش کرکٹ ٹیم نا آل راؤنڈر کرس ووکس پارینے کہ پاکستان اسہ زیبا ءُ ملک اسے وخت اس کہ او پاکستان اٹ رہنگوک کرکٹ نا گچین آ شیدائی تا بابت بھاز آ کسہ غاتے بنگنو۔ حوال نا رداٹ پاکستان او انگلینڈ نا نیام اٹ ٹیسٹ سیریز نا ایسری آ قومی کرکٹ ٹیم نا اوپنر شان مسعود انگلینڈ نا آل راؤنڈر کرس ووکس تون بائیو سیکیور چاگڑد، سیریز اٹی کرکٹ نا آب او پاکستان اٹ جہانی ٹیسٹ کرکٹ نا پدی بننگ آ ہیت وگپ کرینو۔ شان مسعود کرس ووکس ءِ پاکستان اٹ جہانی ٹیسٹ کرکٹ نا پدی بننگ او پاکستان سپر لیگ نا پنچمیکو ایڈیشن نا دا وخت اسکان مروک آ کل میچ آتا پاکستان اٹ اڈ تننگ نا بابت پارے تو انگلش آل راؤنڈر پارینے کہ پاکستان اسہ زیبا ءُ ملک اسے او او پاکستان اٹ رہنگوک آ کرکٹ نا جوش و جوزہ والا شیدائی تا بابت بھاز آ کسہ غاتے بنگنے۔ او پارینے کہ او اومیت اٹی ءِ کہ جہانی ٹیسٹ ٹیم تا پاکستان بننگ نا چر ہندن برجا سلک۔ ہڑتوم آ ٹیم تا نیام اٹ مروک آ ٹیسٹ سیریز بڑزکو آب انا اسے ہراڑے جوان مقابلہ خننگ کن رسینگک۔ کرس ووکس مستی پارینے کہ انگلینڈ اٹ پاکستانی شیدائی تا اسہ بھلو کچ اس ساڑی ءِ وخت اس کہ اوفتے یقین ءِ کہ کرکٹ نا شیدائیک اولڈ ٹریفورڈ ٹیسٹ نا جوان مزہ ءِ ہلیرہ۔سیریز نا اولیکو ٹیسٹ اٹ گوازی نا آب آ تینا خیال آتا درشانی ءِ کرسا انگلش آل راؤنڈر پارینے کہ دا ٹیسٹ اٹ شیدائی کرکٹ ءِ المی ساڑی مروئی ئس او اگہ ہندن مسکہ تو اوفتے اسٹیڈیم اٹ ساڑی شیدائی تا شور او ڈائریکٹ برجا انگا میچ اٹ کرکٹ ءِ سیل کننگ نا بھاز مزہ مسکہ۔ انگلش آل راؤنڈر پارینے کہ دا سیریز اٹ سخت ءُ مقابلہ مس او اوفتے پاکستان آمبار انگا لائخ آ ٹیم نا برخلاف سیریز کٹنگ کن بھاز خواری کروئی تما۔ او پارینے کہ پاکستان نا انگلینڈ اٹ اسُل بے سہب مفروک آ دہ سال نا ریکارڈ نا اسہ بھلو سوب اس ایلو در ملکی ٹیم تا بابت پاکستانی گوازی گرتا دا جاگہ نا کنڈیشن تے زُو پہہ مننگ ءِ۔

Get real time updates directly on you device, subscribe now.

Leave A Reply

Your email address will not be published.