لیویز فورس ءِ اسہ مثالی ءُ فورس اس جوڑ کننگک‘ حافظ محمد قاسم
زیارت: ڈپٹی کمشنر زیارت حافظ محمد قاسم نا کماشی ٹی امن و ایمنی نا بابت اٹ لیویز فورس نا افسر تا دیوان اڈ ہلک دیوان اٹ اسسٹنٹ کمشنر زیارت عبداللہ بن عارف، اسسٹنٹ کمشنر سنجاوی محمدعمران و ایلو افسرک بشخ ہلکر۔ دیوان اٹ ڈپٹی کمشنر زیارت ءِ ضلع زیارت اٹ امن و ایمنی نا بابت اٹ بریفنگ تس۔ دیوان آن ڈپٹی کمشنر زیارت حافظ محمد قاسم تران کرسا پارینے کہ لیویز فورس ہر وخت دوبہ دار آتا بیخ ءِ کشنگ اٹ کڑد ادا کرینے۔ لیویز فورس ءِ اسہ مثالی ءُ فورس اس جوڑ کننگک۔ لیویز فورس ءِ ساڑی گرج آتیان معلومدار کننگک۔ او پارینے کہ لیویز فورس ضلع زیارت نا پترینگوک و پیش تموک آ کسر تیا خاص نگرانی ءِ کے۔ چیکنگ و گشت اٹ پین ودکی کننگے۔ شکبر آ بندغ آتیا خاص نظر شاغے۔
(آن لائن)