تعلیمی ادارہ غاتا مَلنگ نا فیصلہ 2 جولائی آ بین الوزراء تعلیم کانفرنس اٹ کننگک‘ شفقت محمود

اسلام آباد (اے پی پی) بنجائی وزیر تعلیم شفقت محمود پارینے کہ کورونا دَین انا سوب آن بند انگا تعلیمی ادارہ غاتا ملنگ نا فیصلہ ءِ 2 جولائی آ بین الوزراء تعلیم کانفرنس اٹ کینہ، اسہ وڑ نا نصاب تعلیم ننا مشن نا بشخ اسے، نن اسہ وڑ نا نصاب اس جوڑ کرینن، مثالی نصابی کتاب جوڑ کننگ آن پد کانود سازی کینہ۔ تدوک آ دے بنجائی اسمبلی ٹی تعلیم و ٹریننگ نا خواست و پیسہ غاتیا کٹوتی نا تحریک آتیا ہیت کرسا بنجائی وزیر تعلیم وپیشہ وارانہ ٹریننگ شفقت محمود پارینے کہ تعلیم نا بشخ انا بابت اٹ اپوزیشن نا ایمانداری آ ہچ ءُ شک اس اف، پرائیویٹ آ اسکول آتا یلہ کننگ نا موکل تسن تو بھلو کچ اسے ٹی پرائیویٹ ءُ اسکول یلہ مسر، طبقاتی نظام تعلیم ءِ جوانی ہم ہمو وخت آ رسینگا او جتا ءُ نظام تعلیم اس جِک مس۔ او پارینے کہ سرکاری اسکول آتسکان ہمو بندغ آک محدود مسر ہرافک چُناتے پرائیویٹ آ اسکول آتیٹی خوانفنگ کپسہ۔ مدرسہ غاک ہمو چناتے سینہ ٹی خلکر ہرافتا ہچ ءُ سہارا اس الو۔ مدرسہ غاتا تینا خوانفنگ نا وڑ اس ئس ہرانا سرکاری نصاب تون ہچ ءُ تعلق اس الو۔ ہندن ملک انا نظام تعلیم مسہ بشخ اٹ بشخ و پانٹ مس۔ فرق ءِ طبقاتی نظام تعلیم نا سوب آن جوانی رسینگا۔مدرسہ غاک ہمو چناتے سینہ ٹی خلکر ہرافتا ہچ ءُ سہارا اس الو۔ مدرسہ غاتا تینا خوانفنگ نا وڑ اس ئس ہرانا سرکاری نصاب تون ہچ ءُ تعلق اس الو۔ ہندن ملک انا نظام تعلیم مسہ بشخ اٹ بشخ و پانٹ مس۔ فرق ءِ طبقاتی نظام تعلیم نا سوب آن جوانی رسینگا۔ ننا عدالتی، حکومتی، کارپوریٹ اٹ انگریزی نظام ئس۔