سیرت سرور کائناتؐ(19)

حاجی شاہ بیگ شیدا

0

Get real time updates directly on you device, subscribe now.

بی بی آمنہ و عبداللہ نا جوڑی و خواجہ عبداللہ نا کزیت

باوہ لُمہ خواجہؐ نا دُن خوش و خوشحال ئسُّرہ

اسہ ایلو کن او ہندن اُست ہُب اَٹ مسُّرہ

نور عبداللہ نا وخت اس بی بی آ مس منتقل

شان والا آمنہ مس تِس تے عزت عز و جل

اونا تولنگ بش منِنگ آن دُن ڈغار شادان ئس

نور ظاہر چہرہ غان تے ہر کس اس حیران ئس

ئس تالان اے ارا ٹی عود عنبر نا زباد

مہر اٹ اوڑا کس ہُراکہ مسکہ پورا مراد

بلغڑ و مالم تے حیران داڑکن خوشبو دے اتیک

دے دے آن اودے زیبا، نئے کہ او سینگار کیک

آمنہ پاہک ہرا تم مس کنا کہ نت کُبین

غیب انا ہر نعمت اس بس با انا لذت ہنین

نئے دروڑ اس، نئے کہ سُستی،نئے کہ مسک اُست خراب

نت کبین مس پارہ دُنکہ اخہ نیاڑیک ءُ عذاب

ای ہرا تم کاو ہرانگی کائنات کن تون روان

تُوبے و اِستارک روان ءُ بوچ درخت آک جہ جہ آن

سجدہ غا تموک خنیوہ بھلاّ بھلّا مش تے ای

خوشبو اس تالان مریک رندو ہرا تم خُش تے ای

مس منہ تو عبداللہ تون سنگتی دا زند انا

دُن جنوزان زو مروٹ ای خیال الو جِند انا

او تجارت نا غرض اٹ شام اکن مسک روان

اودے رخصت نن کرینک مہر اتون دُن مکہ غان

او کسر اٹ مس بیمار دُن مدینہ ٹی سلیس

دُن جتا زُو اس مرو ءِ دیر ءِ ئسک دا خُلیس؟

کؤل اٹی ماما نا تینا مس تو اس فوت کرے

غم شریک ایلمک باوہ اُست بی بی نا بُرے

پنچ ہُچ میراث اونا دُن مَنٹ اس میڷ و ہیٹ

چوکری اس نن کن اِلا اے اُرا نا ئس چیٹ

نابغہ نا او مکان اٹ مس دفن ورنائی ٹی

بھاز کبین ئس او ننے آ دروشم و زیبائی ٹی

ہفتئی تلار
تاک: 45
21-27 November, 2020
پنہ: 04

Get real time updates directly on you device, subscribe now.

Leave A Reply

Your email address will not be published.