صوبائی حکومت نیاڑی تا راجی استحصال آ ہر فورم آ توار چست کرینے‘ میر ضیاء لانگو

کوئٹہ : وزیرداخلہ بلوچستان میر ضیاء اللہ لانگو تربت اٹ نیاڑی نا کنڈآن خودکش جلہو آ گڑتی درشان کرینے‘ او پارے کہ صوبائی حکومت مدام نیاڑی تا راجی استحصال آ ہر فورم آ توار چست کننگ نا مشاہدہ کرینے و نن تینا لمہ ایڑھ تا کانودی و آئینی حق آتیکن اوفتتون امنا و سلوک ان‘ دا وڑ انا واقعہ غاک ننا دین‘ مذہب و قبائلی روایت آتیا سوج چست کننگ اٹی ءُ ہرانا ہچ گنجائشت اف‘ دا وڑ انا واقعہ غاک ننا راج انانیاڑی تے بھس کننگ نا کنڈآ دننگ نا بے سہب کوشست اسے ءُ ولے تربت واقعہ نا آقاک انسانیت نا کل دنگ آتیان ایپار مسنو و بلوچ و بلوچستان نا روایت، عزت و عظمت ءِ لتاڑانو۔ وزیرداخلہ بلوچستان میر ضیاء اللہ پارے کہ نیاڑی تا ہندا پڑک نا کمک اٹ استحصال کننگانے و دا ہمو بندغ آک ءُ ہرافک قبائلی نعرہ غاتے ٹی مخلوق ءِ گمراہ کرینو۔

(آن لائن)