کوئٹہ ءِ سیف سٹی جوڑ کننگ کن المی گام گیج آک مننگ ءُ، ولی کاکڑ
کوئٹہ : گورنر بلوچستان ملک عبدالولی خان کاکڑ پارینے کہ صوبائی دارالحکومت کوئٹہ ءِ سیف سٹی جوڑ کننگ کل المی گام گیج آتے کننگ انگ ءِ‘ کوئٹہ شار انا چندی ہند آتیا کیمرہ خلنگ آن پد ہم ڈوہ تے کم کننگ ءِ پک کننگ کن اوفتا پورو فعالیو کاریمی کچ ءِ پین گچین کننگ نا گرج ءِ‘ اوپارے کہ نن تینا پولیس نا سپاہی تیا گمر کینہ و نن پولیس نا شہید آتا قربانی تا قدر ءِ کینہ۔ دا خیال آتا درشانی ءِ او صوبائی دارالحکومت کوئٹہ ٹی جمعہ نادے یادگار شہدائے پولیس آ پھل تخنگ نا وخت آ کرے۔ گورنر بلوچستان ملک عبدالولی کاکڑ ءِ صوبہ ٹی امن نا حالیت و ڈیجیٹل کنٹرول روم نا بابت بریفنگ ہم تننگا‘ داوخت آ انسپکٹر جنرل پولیس بلوچستان عبدالخالق شیخ وپولیس ناایلو افسر آک ہم ساڑی ئسر۔ گورنر بلوچستان پارے کہ صوبہ ٹی امن و الس نا جان ومال انا رکھ انابابت محکمہ پولیس نا کوشست آک ستا کڑزرہ۔داکان مست گورنر بلوچستان ملک عبدالولی خان کاکڑ پولیس لائن کوئٹہ ٹی شہید آتا یاتگار آ حاضری تس و پھل شاغا۔
(خ ن)