یو اے ای نا پاکستان اٹی بھلو سرمایہ کاری اس کننگ نا پڑو
صدر متحدہ عرب امارات شیخ محمد بن زاید النہیان نا پاکستان نا دورہ، وزیراعظم شہباز شریف رحیم یار خان ایئرپورٹ آ بخیرکرے تے، بالی پٹ آ وزیر اعظم و صدر یو اے ای نا انگریزی و عربی ٹی ہیت و گپ
Get real time updates directly on you device, subscribe now.
رحیم یار خان: یو اے ای نا پاکستان اٹی بھلو سرمایہ کاری اس کننگ نا پڑو کرینے۔ سرجم حوال آتا رد اٹ وزیر اعظم شہباز شریف و متحدہ عرب امارات نا صدر محمد بن زاید آل نہیان ءِ رحیم یار خان اٹ جم و جوش اٹ بخیر کننگا۔ حوال آتا رداٹ شیخ محمد وزیراعظم تون بھاز مہر اٹ مِلا۔ یو اے ای نا صدر محمد بن زاید آل نہیان وزیراعظم نا دوٹی ہلسا اودے تینا جہاز اسکان درے و تینا خاہوت و چنا تتون اوڑدہی کرفے۔ وزیراعظم شہباز شریف یو اے ای نا صدر نا چنا تتون عربی و انگریزی ٹی ہیت و گپ کرے۔ یو اے ای نا صدر خاص وڑ اٹ بالی پٹ آ بس، و وزیراعظم شہباز شریف تون سفاروکی اوڑدہی کرے۔ صدر یو اے ای رحیم یار خان آ بخیر و مِلنگ کن بننگ آ وزیراعظم نا منت ءِ ہرفے۔ صدر یو اے ای وزیراعظم شہباز شریف ءِ پاکستان اٹی بھلو سرمایہ کاری اس کننگ نا ہم پارے۔ او پارے کہ تیاری کبو، یو اے ای پاکستان اٹی بھلو سرمایہ کاری اس کننگ نا سجفینے۔ داکان مست متحدہ عرب امارات نا صدرشیخ محمد بن زاید النہیان پاکستان نا دورہ غا رحیم یار خان ءِ سر مس۔ ائیرپورٹ آ سر مننگ آ پاکستان نا وزیر اعظم شہباز شریف و کیہی وزیرک و بڑزکو کہولی کمامدار آک اودے بخیر کریر۔ اوڑدہی نا وخت آ ہڑتوم آک متحدہ عرب امارات و پاکستان نا تاریخی تعلقداری و اسیجائی کمکاری ءِ ودفنگ نا وارخواہی تا جاچ ءِ ہلکر۔ ہڑتوم آ ملک آک و اوفتا الس نا نیام اٹ چندی بشخ آتیٹی تین پہ تینی کمکاری ءِ شون تننگ آ ہیت و گپ کننگا۔ وزیراعظم شہباز شریف شیخ محمد نا دورہ پاکستان نا ستا ءِ کرے۔ ہڑتوم آ سنگت ملک آتا تعلقداری تے شون تننگ آ امنا کننگا۔ ہڑتوم آ راہشون خاص وڑ اٹ زرگزران، واپار، و شونداری نا بشخ ؤتیٹی کمکاری نا چندی کسر تیا گپ و تران کریر۔ ہرا ہڑتوم آ ملک آتا مسخت آتا رد اٹ ئسر۔ اوڑدہی ٹی اسیجائی است خواہی نا کیہی باندات آتیا ہیت و گپ کننگا۔ اوڑدہی ٹی تین پہ تینی است خواہی نا کیہی علاقائی و جہانی باندات آتیا ہیت و گپ کننگا۔ وزیر اعظم شریف متحدہ عرب امارات و پاکستان نا تاریخی تعلقداری تیا ملک انا کنڈ آن گمر نا درشانی ءِ کرے۔ و چندی وخت آتیا خاص وڑ اٹ شونداری بشخ اٹی پاکستان نا مخ تفی آ متحدہ عرب امارات نا سفت ءِ کرے۔ دیوان اٹی ابوظہبی ایگزیکٹو کونسل نا باسک شیخ طیب بن محمد بن زید النہیان ہم ساڑی ئس۔ دا وخت آ شیخ حمدان بن محمد بن زید النہیان، شیخ سلطان بن حمدان النہیان، متحدہ عرب امارات نا صدر نا سلاہکار علی محمد حماد الشمسی، سپریم کونسل قومی سلامتی نا سیکرٹری جنرل و حماد عبید ابراہیم سالم الزابی، پاکستان اٹی متحدہ عرب امارات نا سفیر ہم ساڑی ئسرہ۔ پاکستان نا کنڈ آن بنجائی حوالکاری وزیر مریم اورنگزیب و نگران وزیراعلیٰ پنجاب ہم مجلس اٹ ساڑی ئسر۔
(آن لائن)