صوفی رنگ (کلام بابا فرید۔2)
پروفیسر حسین بخش ساجد
Get real time updates directly on you device, subscribe now.
(صوفی رنگ پنی آ دا بشخ اٹی پنی آ صوفی بزرگ شاعر آتا کلام نا براہوئی منظوم ترجمہ غاتے پیش کننگک۔ تاکہ خوانوک آک اوفتا فکر انا بڑزی و کلہو آن واخب مریر: پروفیسر حسین بخش ساجد)
اِلے غیر خدا نا مہر ءِ
ہر گڑا ءِ وہم و خیال
انت لیلیٰ انت مجنون
انت سوہنی مہیوال
انت رانجن انت کہیڑا
انت ءِ ہیر سیال
انت سسی انت پنوں
انت ءِ دڑد ملال
عشق حقیقی ”احد“ نا بیرہ
ایلو کل ءِ زوال
انت پریک، انت سیفل
انت ءِ ہجر و وصال
راست انگا ذات اللہ نا ءِ
ایلو دروغ و پلال
دیک ءُ ہتم نا چار فقط
سہیل ءِ مچ آ سال
یار فریدؔ نے پاوہ
زند مشکل ءِ ہر حال
ہفتئی تلار
تاک: 39
10-16 Oct, 2020
پنہ: 06