اسلام آباد ہائیکورٹ پب جی نا فیصلہ ءِ بنفے، رکھ ءِ چٹفنگ نا پرمن

اسلام آباد (آن لائن ) اسلام آباد ہائی کورٹ آن لائن گیم پب جی آ پابندی ءِ چٹفنگ نا پرمان کرے تدوک آ دے جسٹس عامر فاروق نا عدالت رکھوک ءُ فیصلہ اس بنفسا پی ٹی اے ءِ پرمان کرے کہ آن لائن گیم پب جی ءِ زوت اس یلہ کننگے، حوال نا رداٹ پب جی ءِ پاکستان اٹ کنٹرول کروک آ کمپنی نا گیم آ پابندی نا برخلاف درخواست آ کیس جسٹس عامر فاروق نا عدالت اٹ ئس عدالت پی ٹی اے کمامدار آتے پارت کریسُس، پی ٹی اے پب جی کمامدار آتے بنگے، پی ٹی اے وکیل عدالت ءِ پاریسُس کہ نن اوفتے بننہ و اوفتا سلاہ ءِ ہم الینہ ہراڑا پب جی گیم کمپنی نا وکیل عدالت ءِ پاریسُس کہ پی ٹی اے ننے نہ نوٹس اس تس او نہ گیم معطلی نا نوٹیفکیشن رسینگا ہراڑا جسٹس عامر فاروق ریمارکس تس کہ گیم معطلی ٹی بنداوی ویل خودکشی تا واقعہ غاتا مون آ بننگ نا ءِ، نے پاروئی ءِ کہ امر دا گیم خود کشی تا سوب جوڑ مننگ اٹی ءِ، پی ٹی اے نا وکیل عدالت ءِ پاریسُس کہ لاہور پولیس نا چٹھی نا رداٹ گیم ڈپریشن کننگ اٹی ءِ، خود کشی تا سوب جوڑ مننگ اٹی ءِ، ہراڑا جسٹس عامر فاروق ریمارکس تس کہ ننے ہُروئی ءِ کہ کانودی کاریم تے پورو کروئی ءِ یا آخا، عدالت فریق آتا وکیل آتا دلیل آتے بننگ آن پد فیصلہ ءِ محفوظ کریسُس ہرادے تدوک آ دے بنفنگا۔