ہر ضلع ٹی ایجوکیشن سٹی جوڑ کننگ نا آئیڈیا غا عمل کننگک، سردار یار محمد رند

کوئٹہ (اے پی پی) صوبائی وزیر تعلیم سردار یار محمد رند انا ترجمان پارینے کہ سردار یار محمد رند بلوچستان نا غٹ ضلع غاتے ٹی ایجوکیشن سٹی جوڑ کننگ کن تعلقدار کمامدارآتے پارت جاری کرینے۔ صوبائی وزیر تعلیم بلوچستان نا غٹ ضلع غاتے کن اسہ وڑ ایجوکیشن سٹی نا پرپوزل اس وزیراعلیٰ بلوچستان آ گدریفینے صوبائی وزیر تعلیم بلوچستان نا ترجمان چارشنبے نادے آ تینا جاری کروک بیان اٹی پارے کہ صوبائی وزیر تعلیم بلوچستان سردار یار محمد رند میڈیا غا چلینگوک آ خبر آتا نوٹس ءِ ہلسا 27 ضلع غاتا جاگہ غا بلوچستان نا غٹ 33 ضلع غاتے ٹی ماڈل ایجوکیشن سٹی جوڑ کننگ نا سلاہ و سوج آتے وزیراعلیٰ بلوچستان جام کمال آ گدریفینے ایجوکیشن سٹی کن ڈغار، گیس، بجلی حکومت فراوان کیک وخت اس کہ مچ آ پاکستان آن تعلیمی چاہندار و پرائیویٹ سیکٹر آتے موکل تننگک کہ او ہموڑے برسا بلوچستان اٹ تعلیم نا گچینی کن پروجیکٹ و ایجوکیشن سٹی اس جوڑ کیر صوبائی وزیر تعلیم بلوچستان نا ترجمان نا مستی پاننگ ئس کہ محکمہ تعلیم صوبہ نا ہر ضلع،ہر تحصیل اٹ تعلیم نا آب ءِ گچین کننگ کن کوشست کننگ ءِ نن بلوچستان نا ہر ضلع، تحصیل، یونین کونسل اٹ گچین تعلیمی ادارہ جوڑ کننگ خوانہ وبلوچستان نا ہر چناءِ اسکول اٹ ہُننگ خوانہ صوبائی وزیر تعلیم بلوچستان نا تعلیم دوست پالیسی نا سوب آن اولیکو وار ہر ضلع ٹی ایجوکیشن سٹی اس جوڑ کننگ نا گچین آئیڈیا بسنے ہراڑان بلوچستان اٹی تعلیمی پسماندگی ءِ چٹفنگ مریک۔