نصیرآباد‘ نوکاپ نا زہمی تا بحالی کن گام گیج کننگ انگ ءِ‘ عائشہ زہری

0

Get real time updates directly on you device, subscribe now.

نصیر آباد: ڈپٹی کمشنر نصیرآباد عائشہ زہری آن یو۔این ریزیڈنٹ پاکستان جولین ھارنس، یونیسیف ڈبلیو ایچ او، یو این او سی ایچ اے و آر سی او یو این نا نمائندہ غاتا ڈل اوڑدہی کرے۔ او وخت آ نوکاپ نا زہمی تا بحالی و کمکی کاروائی تا جاچ ءِ ہلک۔ ڈپٹی کمشنر عائشہ زہری رسینگوک آ ڈل تون ہیت وگپ کرسا پارینے کہ ضلع نصیرآباد اٹ نوکاپ نا زہمی تا آباد کاری ترندی ٹی برجا ءِ۔ ضلعی انتظامیہ حکومت نا کنڈآن رسینگوک آ کمکی و کل بنداوی آسراتی تے زہمی تا اُست انا پاننگ اسکان سر مننگ اٹ تینا کل وسیلہ غاتا کاریم ہلنگے۔ ضلعی انتظامیہ نا کنڈآن داسہ ہم نوکاپ نا زہمی تا بحالی و اوفتے ویل آتا ایسری کن ہرممکن گام گیج کننگ اٹی ءِ ولے نوکاپ نا زہمی تیکن تعلیم، جانجوڑی، آبنوشی نا فراوانی تون اوار ایلو ویل آتا ایسری کن یونیسیف۔ڈبلیو ایچ او و ایلو فلاحی ادارہ غاتے کاریم کننگ ناگرج ءِ۔

(خ ن)

Get real time updates directly on you device, subscribe now.

Leave A Reply

Your email address will not be published.