المتکبر جل جلالہٗ
زیات بھلنی نا خواجہ
امام خطابیؒ فرمائفک کہ اللہ رب العزت مخلوق نا سِفت آن و اوفتا حالیت آن پاک ء ِ و پاننگانے کہ اللہ تعالیٰ نا شان تینا مخلوق نا تکبر کروک آتیان بھاز بڑزا ء ِ۔ امام خطابیؒ فرمائفک ”المتکبرجل جلالہٗ“ ہمو ذات ء ِ پارہ ہرا کل نزور آ سِفت آتیان بھاز بڑزا مرے۔
امام قرطبیؒ نوشتہ کرینے کہ ”المتکبر جل جلالہٗ“ ہمو ذات ء ِ پارہ ہرا بھلنی و عظمت والا مرے۔
-12 الکبیر جل جلالہٗ:
”الکبیر“ بھاز بھلن
ابن جریر فرمائفک ”الکبیرجل جلالہٗ“ ہمودے پارہ ہرانا شان کل آن زیات مرے و کل مخلوق نا شان اوڑان کم مرے۔