انگلینڈ نا برخلاف ٹی ٹونٹی سیریز‘ 17 گوازی گر شارٹ لسٹ، سرفراز احمد ٹیم اٹ پدی بس

لاہور (مانیٹرنگ  ڈیسک) انگلینڈ نا برخلاف ٹی ٹونٹی سیریز کن 17 گوازی گر ءِ شارٹ لسٹ کننگانے۔ مسکوہی کیپٹن سرفراز احمد ٹیم اٹ اوار مسنے۔ حوال نا رداٹ پاکستان انگلینڈ نا برخلاف 3 ٹی ٹونٹی میچ آتا سیریز کن 17 گوازی گر تے شارٹ لسٹ کرینے۔ ہڑتوم آ ٹیم تا نیام اٹ سیریز نا میچ آک  28 او 30 اگست آن بیدس یکم ستمبر آ اولڈ ٹریفورڈ مانچسٹر اٹ گوازی کننگرہ۔ چیف سلیکٹر او ہیڈ کوچ نا کنڈآن 17 گوازی گرتے شارٹ لسٹ کننگانے، اسکواڈ اٹ بابراعظم کیپٹن،  فخرزمان، محمد حفیظ، شعیب ملک، افتخار احمد، شاداب خان، حیدر علی، عماد وسیم، شاہین شاہ آفریدی، حارث رؤف، محمد عامر، خوشدل شاہ، محمد حسنین، محمد رضوان، سرفراز احمد، نسیم شاہ او وہاب ریاض اوار ءُُُ۔ قومی کرکٹ ٹیم نا ہیڈ کوچ او چیف سلیکٹر مصباح الحق پارینے کہ انگلینڈ نا برخلاف ہم کم از کم ہندا سکواڈ ءِ گچین کننگانے ہراکہ تدوک آ کیہی تو تیا ٹی 20 ٹی پاکستان نا نمائندگی ءِ کننگ اٹی ءِ۔