کارندہ غاک اوار مریر‘ جوان ءُ وخت اس بننگ ءِ‘ آصف علی زرداری

 لاہور (آن لائن) پاکستان پیپلز پارٹی نا مسکوہی چیئرمین آصف علی زرداری پارٹی پنجاب نا کارندہ غاتیان اوار مننگ نا خواست ءِ کرسا اومیت تسنے کہ کارندہ غاک اوار مریر، پنجاب اٹ جوان ءُ وخت اس بننگ اٹی ءِ۔ مقدمہ غاتا ہچ ءُ خلیس اس اف، مالو ہم عدالت آتیٹی مقابلہ کرین او داسہ ہم کینہ، ساڑی حالیت آتیٹی حکومت اُلس کن ہچ اس کتو تو خوفناک ءُ حالیت اس ودی مریک۔ تدوک آ دے پیپلز پارٹی سنٹرل پنجاب نا صدر قمر الزمان کائرہ و سیکرٹری جنرل چوہدری منظور احمد تون ٹیلی فون آ ہیت وگپ کرسا مسکوہی صدر مملکت آصف علی زرداری پارینے کہ پنجاب اٹ پارٹی نا کارندہ غاک اوار مریر زوت اس جوان ءُ وخت اس بننگ اٹی ءِ۔ مقدمہ غاتا ہچ ءُ خلیس اس اف، مالو ہم عدالت آتا مقابلہ ءِ کرینن او داسہ ہم کینہ تے، ساڑی حالیت آتیٹ حکومت اُلس کن ہچ اس کتو تو مونی خوفناک ءُ حالیت اس ودی مریک۔