دورہ انگلینڈ پاکستان ٹیم کن مشکل ءُ امتحان اس مریک‘راشد لطیف

کراچی ( آن لائن)پاکستان نا پنی آ وکٹ کیپر راشد لطیف پارینے کہ دورہ انگلینڈ کن گچین کروک آ کرکٹر تا کچ زیات ءِ ولے کورونا وائرس نا سوب آن ودی مروک آ حالیت اٹ مچہ مارجن تروئی تمک، خدانخواستہ اگہ کس اسے نا ٹیسٹ مثبت بس تو اونا جاگہ غا انتظام اس مرے۔ تینا اسہ انٹرویو سے ٹی او پارینے کہ دورہ انگلینڈ اسہ سخت ءُ امتحان اس مریک، پاکستان ٹیم نا کارکڑد نا بارواٹ نن ہچ اس ہم پاننگ کپنہ، دا وار لندن نا لارڈز و اوول گراونڈ اٹ ہچ ءُ میچ اس شیڈول اف، مالو ہمو جاگہ نا کنڈیشن آک پاکستان کن جوان مسنو۔ دا وار مصباح الحق و یونس خان آمبار انگا آزموندہ کار آ بیٹسمین تا خدمت آک ہم دوئی افس۔ او پارینے کہ یونس خان نا بطور بیٹنگ کوچ گچین کننگ اسہ جوان ءُ فیصلہ اسے، او میدان اٹ کاریم کروک ءُ بندغ اس و بھاز خواری کیک۔ جونیئر کوچ انا وڑ اٹ خدمت آتے دوئی کپننگ پی سی بی نا غلطی ئس۔