ترکیہ ٹی لس گچین کاری 14 مئی آمریک
انقرہ : ترک صدر رجب طیب اردگان 14 مئی آ لس گچین کاری تا پڑو ءِ کرینے۔ درملکی خبر ایجنسی نا رداٹ ترک صدر برسا ٹی ورنا تیان تران کرسا گچین کاری تا تاریخ نا پڑو ءِ کرے۔ او پارے کہ خدا نا لکھ شکر ءِ کہ اولیکو وار وونٹ بٹنگ نا بود تخوک ورنا تتون اوار کاریم کینہ۔ یات سلے کہ ترکیہ ٹی گچین کاری پک وخت آن اسہ تُو اس مست کرفنگ نا پڑو کننگانے۔ اِرا دہائی آن اقتدار اٹ سلوک ترک صدر ءِ گچین کاری تیٹی پبی ءُ امتحان اس مون تروئی تمک۔
(آن لائن)