جوہانا کونٹا پالرمو اوپن ٹینس ٹورنامنٹ اٹ انگلینڈ نا نمائندگی ءِ کیک
Get real time updates directly on you device, subscribe now.
لندن (مانیٹرنگ ڈیسک) برطانوی ٹینس سٹار و جہانی نمبر 252 جوہانا کونٹا پارینے کہ او اگست اٹ ڈبلیو ٹی اے ٹور ولدا بنا مننگ آ بنائی پالرمو اوپن ٹینس ٹورنامنٹ اٹ انگلینڈ نا نمائندگی ءِ کیک۔ 2019ء نا فرانچ اوپن ٹینس ٹورنامنٹ نا سیمی فائنلسٹ برطانوی گوازی گر جوہانا کونٹا خدو پالرمو لیڈیز اوپن نا پِڑ اٹ ومبلڈن اوپن چمپئن سیمونا ہالیپ نا مون مقابل بسوسُس۔ اینخو مارچ اٹ ٹینس ایونٹ آتا معطل مننگ آن پد 3 اگست آن اٹلی ٹی بنا مروک آ کلے کورٹ ٹورنامنٹ ٹاپ لیول ٹینس نا پدی بننگ ءِ پک کیک۔ ڈبلیو ٹی اے پالرمو ٹینس ٹورنامنٹ اٹ دنیائے ٹینس نا ٹاپ 20 گوازی گرتیٹی پنچ داٹی بشخ ہلیرہ۔ جوہانا کونٹا اینخو مارچ اٹ مونٹیری اوپن ٹینس ٹورنامنٹ اٹ تینا گڈیکو میچ ءِ گوازی کریسُس ہراٹی اودے جمہوریہ چیک نا میری بوزکووا نا دو تیان سیمی فائنل اٹ بے سہبی تون مون تروئی تمانے۔ جوہانا کونٹا ہندا تو اٹ روہیمپٹن نا نیشنل ٹینس سینٹر اٹ برجا انگا ڈومیسٹک پروگرس ٹور ویمن ٹینس چمپئن شپ اٹ بشخ ہلتنے۔