پاکستان ءِ ویل آتیان کشنگ کن اُلسی اعتماد نا بحالی اہمیت تخک‘ چوہدری شبیر
Get real time updates directly on you device, subscribe now.
کوئٹہ : بلوچستان عوامی پارٹی نا مسکوہی سیکرٹری اطلاعات وترجمان چوہدری شبیر عبداللہ بنگلزئی و علی احمد لہڑی پارینے کہ کے ویل آتا گواچنی پاکستان ءِ کشنگ کن ریاست آ اُلسی اعتماد نا بحالی بھاز اہمیت تخک۔ دا خیال آتا درشانی ءِ مستونگ و خضدار نا ڈل آتون ہیت وگپ کرسا پارینے کہ جہانی کہول آ ملکی وقار نا بڑزی سیاسی عدم استحکام نا ایسری و ریاست ءِ رسینگوک آ ویل آتیان ایسری کن ریاستی ادارہ غاتے تینا سہی کسر آ اتنگ اُلسی رائے نا مننگ تون اوار اوار آئین پاکستان نا دائرہ کار اٹ رہنگسا تینا فرض آتا پوروی ءِ پک کروئی تمک۔ ریاست آ اُلسی اعتماد نا بحالی کن المی ءِ کہ اُلس اٹ عدم تحفظ نا خلیس نا ایسری بیدس فرق آن انصاف نا فراوانی و ساحل و وسیلہ غاتیا اُلسی حق حاکمیت نا قوی پام انا احساس ءِ پاش کننگے۔
(آن لائن)