پاکستان و ساؤتھ افریقہ نا نیام اٹ سیریز کن پُوسکن کسر پٹنگ آ سلاہ برجا
Get real time updates directly on you device, subscribe now.
لاہور (مانیٹرنگ ڈیسک) پاکستان و پروٹیز کرکٹ ٹیم نا نیام اٹ سیریز کن پُوسکن ءُ کسر پٹنگ آ ہڑتوم آ ملک آتا بورڈ آتا نیام اٹ سلاہ برجا ءِ۔ حوال نا رداٹ پاکستان ہندا تو اٹ سویلی افریقہ اٹ مچٹ ءُ وخت اسے نا سیریز کن ہنوئی ئس ولدا ہم کوویڈ 19 نا سوب آن دا سیریز ءِ فی الحال ملتوی کننگانے۔ پروٹیز ہم دا وخت اسکان کرکٹ نا کاریم تا بنا مننگ کتو۔ پی سی بی نا پاننگ ءِ کہ مہماندار بورڈ واضح کرینے کہ پاکستان نا برخلاف سیریز ءِ پورو جوڑ کننگ کن کاریم مننگ اٹی ءِ، کورونا وائرس نا سوب آن شیڈول نا تیاری اسہ سخت ءُ مرحلہ اسے۔ پُوسکن آ ونڈو ءِ کشا دا سیریز ءِ پک کننگک۔ پی سی بی ہم ٹیم اختئی نا تینا شیڈول ءِ اودے راہی کرینے۔