سعودی عرب نا فٹبال ٹیم چمپئن شپ ءِ کٹک‘سعودی کوچ
Get real time updates directly on you device, subscribe now.
ریاض (مانیٹرنگ ڈیسک) سعودی فٹبال ٹیم نا کوچ و کیپٹن مرام البتیری پارینے کہ او نیاڑی ٹیم نا چمپئن شپ ءِ کٹنگ نا خواہندار ءِ۔ دا ہیت ءِ او العربیہ ڈاٹ نیٹ ءِ انٹرویو ترسا پارے۔ مرام البتیری پارینے کہ ای کوچ انا حیثیت اٹ 2016ء ٹی کاریم کننگ ءِ بنا کریسٹ۔ او پارینے کہ ای تینا ٹریننگ نا لائخی ءِ جوان کننگ نا کوشست کریٹ، ہنداتسکا کہ کنے جہانی کہول نا کوچنگ نا لائسنس اس رسینگا۔ او پارینے کہ ای مسن تا کوچنگ ءِ بنا کریٹ۔ دا کلب 2006ء اٹ جوڑ کننگاسُس۔ دا وخت اسکان ای ہندا کلب تون اوار اُٹ و جوان وڑاٹ کوچنگ نا زمواری تے پورو کننگ اٹی اُٹ۔