نواز شریف نا بیان آ بھارتی میڈیا بھاز خوش مس، اپوزیشن نا رویہ دشمن شادی نا سوب مس، بنجائی وزیرک

اسلام آباد (اے پی پی) بنجائی وزیر سینیٹر شبلی فراز، شاہ محمود قریشی، چوہدری فواد حسین اسک پارینو کہ اپوزیشن اے پی سی ٹی فوج، عدلیہ، الیکشن کمیشن، نیب اتون اوار غٹ ریاستی ادارہ غاتے شست کننگا، مگہ ریاستی ادارہ و گچین کاری عمل ءِ جھیڑہ ئی جوڑ کرسا ملک وجمہوریت نا ہرا خذمت اسے؟ اسہ جمہوری حکومت اسے نا برخلاف غٹ مفاد پرست آک یکجا مسنو۔ نواز شریف نا بیان آ بھارتی میڈیا بھاز خوش مس، بھارت نا غٹ بھلا اخبار تیٹی نواز شریف نا شہ سرخی ءِ کہ“نواز شریف فوج آ جلہو کرے”نواز شریف جان ءِ مون تروک گڑتی تیا عدالت نا کمک اٹ ملک آن پیشن ہناسس داسہ او جوان مسنے تو اودمدستی پدی برے، اپوزیشن و دشمن دا سمجھرہ کہ اگہ پاکستان اٹ برجا جمہوری نظام اٹ اڑاند شاغنگتو تو ملک شونداری نا غٹ مزل آتے طے کیک، اینو اسکان عدلیہ نا برخلاف مروک آ چم آتیٹی نواز شریف نا کماشی ٹی مسلم لیگ ن اہم و بنداوی بشخ مسنے، قوم بایدے ہچ ءُ شک و شبہ سے ٹی مف کہ پیل انا دنان کُننگ کن پین و نشان تننگ کن پین مریرہ، اپوزیشن نا جمہوریت نا آخا بلکن ذات و اقتدار نادڑد زیات ءِ، وزیراعظم عمران خان تینا سوگو آ موقف آ سلوک ءِ کہ اسٹ اسے ہم این آر او تروئی اف۔ داخیال آتا درشانی ءِ بنجائی وزیر حوالکاری و شینکاری سینیٹر شبلی فراز، وزیر خارجہ شاہ محمود قریشی، بنجائی وزیر ڈٹ بندی اسد عمر، بنجائی وزیر سائنس و ٹیکنالوجی چوہدری فواد حسین دوشنبے نادے آ پی آئی ڈی ٹی پریس کانفرنس آن تران کرساکریر۔