سیکورٹی فورس آتا سرسہب کاروائی است جمی نا سوب ءِ، شاہد رند
Get real time updates directly on you device, subscribe now.
کمکار وزیراعلٰی بلوچستان حوالکاری و سیاسی باندات شاہد رند بلوچستان نا جتا جتا ضلع غاتیٹی سیکورٹی فورس و کانود نافذ کروک ادارہ غاتا کنڈآن دہشت گرد آتا برخلاف سرسہب انٹیلی جنس بیسڈ کارروائی تیا است جمی نا درشانی ءِ کرسا پارینے کہ دہشت گردی نا برخلاف جنگ اٹی سیکورٹی فورس آتا کسبی لائخی، جیرت و بھرمی حکمتِ عملی ستا کڑزک۔ اسہ بیان اسے ٹی شاہد رند پارے کہ مستونگ، مچھ، خضدار و پنجگور اٹی کارروائی تا وخت آ 37 دہشت گرد خلنگ اسہ اہم ءُ سرسہبی اسےِ۔ دا کارروائی تا کمک اٹ نئے بیرہ دہشت گرد نیٹ ورک آ پبی جلہو مسنے بلکن بلوچستان اٹی امن و سوگوی ءِ نسخان رسیفنگ نا سازش آتے ہم بے سہب کننگانے۔