پی سی بی زالبول آتا کرکٹ نا مونی دننگ کن ہر سال فنڈ جتا کیک
Get real time updates directly on you device, subscribe now.
سینیٹ ءِ پاننگانے کہ پی سی بی زالبول آتا کرکٹ نا مونی دننگ و شونداری کن ہر سال بھلو کچ اسے ٹی فنڈ جتاکیک، کراچی ہائی پرفارمنس سنٹر ءِ خاص وڑاٹ زالبول کرکٹ کن جتاکننگانے۔ جمعہ نادے آ سینیٹ نا دیوان اٹی سوج ورندی تا وخت آ کیبنٹ ڈویژن نا کنڈآن نوشتئی وڑاٹ معلومدار کننگانے کہ پی سی بی وتواجہ ادارہ اسے نا حیثیت اٹ حکومتی نیام تمنگ آن بیدس تینا حکمت عملی تے پک کیک، مچ آ ملک اٹی اکیڈمیک پورو وڑاٹ فعال ءُ ہراڑے کسبی کوچ آتا چاروکی ٹی مچ آ سال کوچنگ و ہیلکاری تننگک ہرانا مسخت ورنا ٹیلنٹ ءِ پین گچین کننگ ءِ، ملکی کرکٹ نا پنجرءِ پین گوبُر جوڑ کننگانے، پی سی بی ہر سال مسٹ آن چار جہانی دورہ غاتا بست و بند کیک ہراڑان ٹیم انا کارکرداٹی نمان گچینی بسنے و جہانی رینکنگ اٹ ودکی مسنے، انڈر 19 نا مونی بروک گوازی گرتیا خاص وڑاٹ چکار کننگک، گوازی گرتے بنجائی و ملکی کہول انا معاہدہ غاتتون اوار اوار میچ فیس ہم تننگک۔