ڈی ایس پی رکھنی جبار مینگل نا کماشی ٹی کرائم میٹنگ دیوان

رکھنی، ڈی ایس پی رکھنی جبار مینگل نا کماشی ٹی کرائم میٹنگ دیوان اڈ ہلک، ہراٹی علاقہ نا جم امن و ایمنی نا حالیت، ڈوہ تا توننگ، پولیس گشت و ایلو اہم باندات آتا جاچ ءِ ہلنگا۔ دیوان اٹی ایس ایچ او رکھنی یونس خان کھیتران، ایس ایچ او شاہ زمان کھیتران تون اوار ایلو پولیس افسر و کارندہ غاک بشخ ہلکر۔ دا وخت آ ڈی ایس پی جبار مینگل افسر آتے امن وایمنی نا نا حالیت ءِ پین جوان کننگ، ڈوہدار آتا برخلاف بھرمی کارروائی کننگ و پولیس گشت ءِ پین بھرمی جوڑ کننگ نا پارت کرے۔ او پارت کرے کہ الس نا جان و مال انا رکھ ءِ امر کہ مرے پک کننگے و ڈوہ تا توننگ کن کل دوئی وسیلہ غاتے کاریم اٹ اتنگے۔ ڈی ایس پی افسر آتیا زور شاغا کہ شاری تتون جوان رویہ تینائی کرسا اوفتا ویل آتا دمدستی ایسری کن بھرمی گام گیج کننگے۔