جوان بجٹ پیش کننگ آ صوبائی حکومت مبارکبادی کڑزک‘میرضیاء لانگو

کوئٹہ: وزیرداخلہ بلوچستان میر ضیاء اللہ لانگو صوبائی بجٹ آتینا خیال آتا درشانی ءِ کرسا پارینے کہ جوان ءُ بجٹ اس پیش کننگ آ صوبائی حکومت مبارکبادی کڑزک‘ وزیراعلیٰ میر عبدالقدوس بزنجو و اونا ٹیم ءِ الس دوست بجٹ پیش کننگ آ مبارکبادی ایتوہ‘ صوبائی وزیر خزانہ دوئی وسیلہ غاتے ٹی جوان ءُ بجٹ اس پیش کرے‘ میر ضیاء اللہ لانگو پارے کہ صوبائی بجٹ اٹ کم کٹیا کروک تپہ غاتے جوان ریلیف فراوان کننگانے و غریب تپّہ نا آسودہی کن خصوصی گام گیج کرینے۔ اوپارے کہ میر عبدالقدوس بزنجو ناکماشی ٹی شونداری نا سفر برجاسلک۔ وزیرداخلہ بلوچستان میر ضیاء لانگو سرکاری ملازم آتا تنخواہ و پنشن اٹ ودکی ناستاءِ کرسا پارے کہ تنخواہ تے ودفنگ آن ملازم آتا اہم ءُ ویل اس ایسر مسنے۔

(خ ن)